Астана, 2024 жылғы 28 маусым – Қазақстан Республикасы Сыртқы істер министрінің орынбасары Роман Василенко Қырғызстан, Тәжікстан, Түрікменстан, Өзбекстан және Германия өкілдерімен бірге «Орталық Азия + Германия» форматындағы Аймақтық ынтымақтастық және қауіпсіздік жұмыс тобының жоғары лауазымды тұлғалары онлайн отырысына қатысты.

Іс-шара барысында аймақтық қауіпсіздік пен Орталық Азиядағы тұрақты дамудың өзекті мәселелері талқыланды.

Р. Василенко Орталық Азия елдері мен Германия арасында 2023 ж. қыркүйекте Берлинде өткен Орталық Азия мемлекеттері басшылары мен ГФР Федералдық Канцлері алғашқы кездесуінің қорытындысы бойынша орнатылған стратегиялық аймақтық әріптестіктің маңызын атап өтті.

Қазақ дипломаты ОА+ГФР форматы аясындағы өзара тиімді әріптестікті кеңейтуге мүдделілік танытып, Қазақстанның аймақтық және халықаралық бастамалары туралы хабардар етті және Қазақстан Республикасының  Президенті Қасым-Жомарт Тоқаевтың терроризм, экстремизм, есірткінің заңсыз айналымы және трансұлттық қылмыс мәселелері бойынша өзара іс-қимылды арттырудың маңызы туралы ұсыныстарының өзектілігін атап өтті. Германияның озық тәжірибесіне сүйене отырып климаттың өзгеруіне қарсы іс-қимыл шеңберінде аймақтық ынтымақтастықтың өзектілігі де айтылды.

Кездесу соңында Р. Василенко қазақ тарапының «Орталық Азия + Германия» ынтымақтастық форматын одан әрі дамытуға берік бейілділігін растады.

Ақпарат көзі: Министерство иностранных дел Республики Казахстан