Қоғамдық кеңестің отырысы жаңартылған құрамда өтті. Мамыр айында конкурстық іріктеу нәтижесінде  құрамнан шыққан мүшелердің орнына 7 адам және резервтік тізімнен 1 адам енді.

Жаңа құрамда ҚР Парламенті Мәжілісінің депутаттары Жигули Дайрабаев пен Айдарбек Ходжаназаров, "Родина" агрофирмасы" ЖШС директоры Иван Сауэр, "Aitas-KZ" АҚ холдинг компаниясының сыртқы байланыстар жөніндегі вице-президенті Рабиға Тоқсейітова, «ҚазАзот» АҚ бас директорының корпоративтік даму жөніндегі орынбасары Тахмина Нағұманова, "Қазақстанның картоп және көкөніс өсірушілер одағы" басқарма төрағасы Қайрат Бисетаев, "Атамекен" ҰКП басқарма төрағасының орынбасары Ербол Есенеев, "Асыл Логистик"  ЖШС бас директоры Ғабиден Балғынбеков бар.

"Қоғамдық кеңес біз жаңа жобаларды іске асыруда қолдау алуға қатысты өзекті мәселелерді талқылайтын, АӨК саласын дамыту бойынша сараптамалық пікірлерді тыңдайтын басты алаңдардың бірі болып саналады. Кеңестің жаңартылған құрамы өзінің тиімділігін көрсететініне сенімдімін", - деді Ауыл шаруашылығы министрі Айдарбек Сапаров.

Ашық дауыс беру арқылы кеңестің төрағасы болып «Зенченко и К» коммандиттік серіктестігінің директоры Геннадий Зенченко сайланды.

Министр жаңа төрағаға жұмысына сәттілік тілеп, кеңес алдында тұрған негізгі міндеттерді де атап өтті.

Айта кетейік, Агроөнеркәсіптік кешенді дамыту жөніндегі қоғамдық кеңес құрамында ҚР Ауыл шаруашылығы министрлігінің өкілдері, парламент депутаттары мен азаматтық қоғам мүшелерінен 19 адамнан құралған. Кеңес ауыл шаруашылығы саласының стратегиялық және бағдарламалық құжаттарын әзірлеуге белсенді қатысады.

Отырыс соңында Қоғамдық кеңес мүшелері ұйымдастыру мәселелерін қарады.

Ақпарат көзі: Министерство сельского хозяйства Республики Казахстан