Бүгін Экология және табиғи ресурстар министрі Ерлан Нысанбаевтың ЮНИСЕФ-тің Қазақстандағы өкілі Р.М. Сарвармен кездесуі өтті.

Кездесу барысында балалар мен жастардың ұлттық деңгейде анықталатын үлестерге (ОНУВ) және климат өзгерісіне бейімделу жоспарларына қатысу мәселелері, сондай-ақ жастардың 29-шы БҰҰ-ның Климат өзгерісі жөніндегі конференциясына (COP) қатысуы талқыланды.

Министрдің айтуынша, биыл Қазақстан «жасыл» экономикаға көшу концепциясын жаңартты, оның басты міндеттерінің бірі — балалар мен жастарды қоса алғанда, қоғамның жаңа экологиялық мәдениетін қалыптастыру.

Мемлекет басшысының тапсырмасы бойынша министрлік 2024-2029 жылдарға арналған Қазақстанның экологиялық мәдениетін дамыту концепциясының және оны жүзеге асыру бойынша іс-шаралар жобаларын әзірледі.

Осы орайда, министр ЮНИСЕФ-ке 2024-2029 жылдарға арналған экологиялық мәдениетті дамыту концепциясы бойынша іс-шараларды жүзеге асыруда техникалық қолдау көрсетуін сұрады, сондай-ақ аймақтық деңгейде жаңа білім беру жобаларын ұйымдастыруға қызығушылық танытты.

Өз кезегінде, ЮНИСЕФ-тің Қазақстандағы өкілі экологиялық білім беруді мектептерде дамыту бойынша бірлескен жұмысқа дайын екенін растады.

Кездесу қорытындысы бойынша тараптар өзара тиімді ынтымақтастықты жалғастыруға келісім берді.

Ақпарат көзі: Министерство экологии, геологии и природных ресурсов Республики Казахстан