Астана, 2024 жылғы 25 қыркүйек – Қазақстан Республикасы Сыртқы істер министрлігінде «Қазақстандағы төтенше жағдай және климаттың өзгеруі жағдайындағы мүгедектігі бар адамдардың құқықтары» тақырыбында халықаралық форум өтті.

Іс-шараны «Шырақ» мүгедектігі бар әйелдер қауымдастығы» қоғамдық бірлестігі ҚР СІМ мен Еуразия қорымен бірлесіп, АҚШ Халықаралық даму агенттігі қаржы қолдауымен ұйымдастырды.

Форумда ҚР Парламенті Сенатының депутаты Ляззат Қалтаева, ҚР Президенті жанындағы Халықтың әлеуметтік осал топтарының құқықтары жөніндегі уәкіл Кенжеғұл Сейтжан, ҚР Еңбек және халықты әлеуметтік қорғау вице-министрі Асқарбек Ертаев, СІМ Ерекше тапсырмалар жөніндегі елшісі Алуа Нәдірқұлова, министрлер мен әкімдердің мүгедектік жөніндегі кеңесішілері, мемлекеттік ұйымдардың, халықаралық ұйымдардың және Орталық Азия елдері қоғамдық бірлестіктерінің өкілдері сөз сөйледі.

Пікірталас барысында қатысушылар климаттың өзгеруінен туындаған төтенше жағдайлар кезіндегі мүгедектігі бар адамдардың құқықтары мен қажеттіліктері мәселелерін талқылап, осы қажеттіліктерге байланысты төтенше жағдайға ден қоюдың үздік тәжірибелерімен алмасу өткізді.

Іс-шараның қорытындысы бойынша Қазақстанның мемлекеттік органдарына осы саладағы заңнама мен саясатты жетілдіру бойынша нақты ұсынымдар әзірленді.

Ақпарат көзі: Министерство иностранных дел Республики Казахстан