Бүгін Солтүстік Қазақстан облысына жұмыс сапары аясында ҚР Премьер-Министрі Олжас Бектенов еліміздегі жетекші сүт-тауарлы шаруашылықтардың бірінің қызметімен көрді. Үкімет басшысына нысанды Ауыл шаруашылығы министрі Айдарбек Сапаров таныстырды.

Премьер-Министр "Иван Зенченко" тауарлы-сүт фермасының технологиялық процестері мен өнім желісін аралап көрді.

Айта кетейік, сүт-тауар фермаларын салу бойынша өңір жетекші орында тұр. Бұл бағытта 52 мың басы бар 100-ден астам агроқұрылым, оның ішінде 38 заманауи сүт кешені жұмыс істейді.

Тек соңғы 6 жылда СҚО-да 16 мың сиыр басы бар және қуаты 81,8 мың тонна сүт өндіретін 30-дан астам сүт фермасы іске қосылды. Жобаларды іске асыруға 39,5 млрд теңге инвестиция салынды.

Жалпы, елімізде өндірілетін сүттің жалпы көлемінің 13% - дан астамы осы өңірде өндіріледі.

Қазақстанда тауарлы-сүт фермаларын дамытудағы маңызды қадам Мемлекет басшысының Солтүстік Қазақстан облысының оң тәжірибесін көбейту жөніндегі бастамасы болды.

СҚО тәжірибесін кеңейту шеңберінде 2023 жылы сенімді агент арқылы АӨК саласындағы жобаларды жеңілдікпен несиелеу жөніндегі бағдарламаны іске асыру басталды. Оның негізгі мақсаттары: импортты алмастыру, ішкі нарықты отандық өніммен толықтыру және тұрақты жұмыс орындарын құру есебінен ауыл тұрғындарының табысын арттыру.

Бағдарламаны іске асыруға өткен жылы 100 млрд теңге бөлінді, қаражат өндірістік қуаты жылына 65 мың тонна сүт болатын 372 тауарлы-сүт фермаларын несиелеуге бағытталды.

Бағдарлама шарттарына сәйкес, 5 млрд теңгеге дейінгі жеңілдікті несие 10 жылға дейінгі мерзімге жылдық 2,5% -бен беріледі.

2024 жылы Бағдарламаны жүзеге асыруға 100 млрд теңге қарастырылған. Бұл қаржыға 80-ге жуық жоба жүзеге асырылады деп күтілуде.

Өткен жылдың өзінде сүт және ет бағытындағы ірі қара мал басы 2021 жылмен салыстырғанда 5,2% -ға, яғни, 7,4 млн басқа дейін, оның ішінде сиыр - 13,4%, яғни, 4,2 млн басқа дейін артқан. Сүт өндірісі  4,9% өсті.  

Сүт өндірушілер үшін мемлекеттік субсидиялар көлемі өткен жылы 2021 жылмен салыстырғанда 1,5 есеге немесе 23-тен 35 млрд. теңгеге дейін өсті.

Бүгінгі таңда Ауыл шаруашылығы министрлігі аталған бағдарламаға ет шаруашылығы, жылыжай кешендерін, жеміс қоймаларын, балық өсіру шаруашылықтарын, балық өңдеу кәсіпорындарын, құс шаруашылығындағы асыл тұқымды репродукторларды және т.б. салу жөніндегі жобаларды қаржыландыруға қатысты өзгерістер енгізу бойынша жұмыс жүргізуде.

Дереккөз: primeminister.kz

Ақпарат көзі: Министерство сельского хозяйства Республики Казахстан