ҚАЗАҚСТАНДА ФИЛИАЛ АШУ МӘСЕЛЕЛЕРІ БОЙЫНША ШЭНЬЧЖЭНЬ УНИВЕРСИТЕТІНІҢ ДЕЛЕГАЦИЯСЫМЕН КЕЗДЕСУ ӨТТІ

  ҚР Ғылым және жоғары білім министрлігінде Ли Джунчэн басқаратын Шэньчжэнь университетінің делегациясымен кездесу өтті. Сапар барысында ҚР аумағында Шэньчжэнь университетінің филиалын ашу мәселелері талқыланды. Кездесу ҚР Ғылым және жоғары білім министрі Саясат Нұрбектің басшылығымен өтіп, таныстыру сипатында болды.

  Делегация сапарының мақсаты – Қазақстанда Қытай университетінің филиалын ашу мүмкіндігін қарастыру, сондай-ақ осы бағытта қажетті шарттар мен рәсімдерді талқылау.

  Филиалдар ашу барысында қазақстандық тараптан шетелдік университеттерге көрсетілетін қолдауы талқыланды. ҚР ҒЖБМ халықаралық білім беру ынтымақтастығын дамытуға қызығушылық танытты және жетекші әлемдік университеттердің филиалдарын ашуға жәрдемдесуге дайын екендігін білдірді.

  Кездесу барысында Қазақстанда Қытай университеттерінің филиалдарын ашу үшін қажетті заңнамалық және әкімшілік рәсімдер талқыланды. Ли Джунчэнге өтініш беруден бастап рұқсаттар мен лицензияларды алуға дейінгі процестің барлық кезеңдері туралы егжей-тегжейлі ақпарат берілді.

  Министр Қазақстанның жоғары білім беру жүйесіндегі ағымдағы жағдайға қысқаша шолу жасады. Атап айтқанда, ел халқының одан әрі урбанизациясы мен қарқынды өсуіне байланысты мәселелер, сондай-ақ таяудағы бес жылдағы перспективаның да қажеттіліктерін қанағаттандыру үшін жоғары білімді мамандар санын ұлғайту қажеттілігі туралы айтылды.

  Саясат Нұрбек Қазақстан жоғары білім беру сапасын арттыру және еліміздің азаматтары үшін білім беру мүмкіндіктерін кеңейту бойынша белсенді жұмыс істеп жатқанын атап өтті. Бұл тұрғыда Шэньчжэнь университеті сияқты беделді университеттермен ынтымақтастық сапалы білім берудің қолжетімділігін қамтамасыз етудегі маңызды қадам болып табылады.

  Кездесу қорытындысы бойынша тараптар Қазақстанда Шэньчжэнь университетінің филиалын ашу шарттарын егжей-тегжейлі талқылауды жалғастыруға келісті. Бұдан әрі келіссөздер нақты уағдаластықтарға және бірлескен білім беру жобаларын іске асыруға әкеледі деп күтілуде.

Ақпарат көзі: Қазақстан Республикасы Ғылым және жоғары білім министрлігі