Қазақстан жастардың халықаралық білім алуы үшін мүмкіндіктер жасауды жалғастыруда. Талапкерлерді Қазақстаннан шықпай-ақ шетелдік ЖОО-ның дипломын алу мүмкіндігімен таныстыру мақсатында ҚР Ғылым және жоғары білім министрлігі өзінің көптеген серіктестерімен бірлесіп, шетелдік жоғары оқу орындарының филиалдары бар қазақстандық жоғары оқу орындарының көрмелерін ұйымдастырды.Алматы қаласының 10 және 11-сынып оқушылары үшін Satbayev University-де ұйымдастырылған Study in Kazakstan көрмесіне Қазақстанның түкпір-түкпірінен 20 жоғары оқу орны қатысты. Оқушылар қос дипломдық бағдарламалар туралы мағлұмат алып, өздерін қызықтыратын сұрақтарды университет өкілдеріне тікелей қоюға мүмкіндік алды, тіпті алдағы өмірде қандай мамандық түрін таңдау керектігін түсіну үшін кәсіптік бағдарлау жөнінде тест тапсырды. Study in Kazakstan көрмесі Мемлекет басшысының тапсырмасы бойынша Қазақстанда жүзеге асырылып жатқан қазақстандық студенттердің білім алу мүмкіндіктерін кеңейтуге және әлемдік еңбек нарығындағы бәсекеге қабілеттілігін арттыруға ықпал етеді. Қазірдің өзінде еліміздің көптеген өңірлерінде шетелдік жетекші жоғары оқу орындарымен байланыс орнатылып, қос диплом жүйесі бойынша білім алуға жағдай жасалған. Алдағы уақытта шетелдік жоғары оқу орындары филиалдарының саны артады деп күтілуде, сөйтіп қазақстандық студенттер оларға ҰБТ қорытындысы бойынша жалпы негізде оқуға түсе алады. Study in Kazakstan көрмесінің жұмыс кестесі:5 ақпан – Тараз қаласы, «Көне Тараз» тарихи-этномәдени кешені (Төле би даңғылы, 18/7);6-7 ақпан – Шымкент қаласы, Әуезов атындағы университет (Тәуке хан даңғылы, 5);10-11 ақпан – Түркістан қаласы, Ясауи университеті (Бекзат Саттарханов даңғылы, 29в);12 ақпан – Қызылорда қаласы, Қорқыт Ата университеті (Жақаев көшесі, 11).

Ақпарат көзі: Қазақстан Республикасы Ғылым және жоғары білім министрлігі