Аталған оқу-жаттығуларды ҚР Төтенше жағдайлар министрлігі ұйымдастырып, ағымдағы жылдың 15-16 мамырында өтеді. Бұл оқу-жаттығулардың мақсаты табиғи өрттерді жою кезінде азаматтық қорғау қызметтерінің басқару органдарының, күштері мен құралдарының дағдыларын жетілдіру болып табылады.

Оқу-жаттығуларға ҚР Экология және табиғи ресурстар министрлігі тарапынан вице-министр Н.Шәрбиев, орман шаруашылығы және жануарлар дүниесі комитеті төрағасының орынбасары Е.Құтпанбаев, «Қазгидромет» РМК және ОШЖДК аумақтық бөлімшелерінің өкілдері қатысады.

Елдің мемлекеттік орман қорының аумағы 30,9 млн гектарды, оның ішінде орманмен қамтылған аумағы – 13,7 млн. гектарды құрайтынын ескере отырып, экология министрлігі орман өрттерін тұрақты бақылау, жер үсті және авиациялық патрульдеу арқылы уақтылы анықтау және оқшаулау бойынша жүйелі жұмыс жүргізуде, материалдық-техникалық база нығайтылуда.

Бұл командалық-штабтық оқу-жаттығулар орман пайдаланушылардың күштері мен құралдарының өрт қауіпті кезеңге дайындығын тексеруге, табиғи сипаттағы төтенше жағдайға ден қою кезінде уәкілетті органдар мен ұйымдардың басқару және өзара іс-қимыл алгоритмін пысықтауға мүмкіндік береді.

Ақпарат көзі: Министерство экологии, геологии и природных ресурсов Республики Казахстан