2024 жылғы 4 қыркүйекте Алматы облысында ҰҚШҰ-ға мүше мемлекеттердің төтенше жағдайлардың алдын алу және олардың салдарын жою саласындағы уәкілетті органдары бөлімшелерінің қатысуымен «Скала-2024» бірлескен арнайы-тактикалық оқу-жаттығу өтіп жатыр.

Оқу-жаттығудың тақырыбы: «ҰҚШҰ-ға мүше мемлекеттердің төтенше жағдайлардың алдын алу және олардың салдарын жою саласындағы уәкілетті органдар бөлімшелерінің Орталық Азиядағы жойқын жер сілкінісінен туындаған төтенше жағдайларды жою кезіндегі іс-қимылдарға дайындығы».

Оқу-жаттығу ҰҚШҰ бөлімшелерінің Орталық Азиядағы жойқын жер сілкінісі салдарынан туындаған төтенше жағдайларды жоюға әзірлігі мен қабілеттілік деңгейін арттыру, авариялық-құтқару және кезек күттірмейтін жұмыстарды дайындау мен жүргізу кезінде ҰҚШҰ бөлімшелерінің ұйымдастырушылық және практикалық қызмет мәселелерін пысықтау мақсатында ұйымдастырылды.

Оқу-жаттығуға ҰҚШҰ-ға мүше мемлекеттердің – Беларусь Республикасының, Қазақстан, Қырғызстан, Тәжікстан және Ресей Федерациясының төтенше жағдайлардың алдын алу және олардың салдарын жою саласындағы уәкілетті органдарының құтқару бөлімшелері тартылады.

Бүгінгі күн қатысушы елдердің құтқару бөлімшелері арасында жойқын жер сілкінісі кезінде туындаған кедергілері бар техногендік лабиринт қашықтығы мен табиғи сипаттағы жартас кезеңі бойынша достық жарыстар өткізуден басталды.

Оқу-жаттығудың бірінші күні (ағымдағы жылғы 4 қыркүйек) оқу-жаттығудың екі кезеңі пысықталды, оның шеңберінде командалық-штабтық ойын форматында жер сілкінісінің қатері мен туындау кезіндегі іс-қимылдарды пысықтау, ҰҚШҰ-ға мүше мемлекеттердің құтқару бөлімшелерінің күштері мен құралдарының топтарын нақтылау бойынша жедел штабтың жұмысы ұйымдастырылды.

Оқу-жаттығудың бірінші кезеңі барысында жойқын жер сілкінісі салдарынан туындаған төтенше жағдайларды жою бойынша әзірлік пен іс-қимылдар жоспарлары түзетілді, дүлей зілзала аймағында авариялық-құтқару және кезек күттірмейтін жұмыстарды жүргізу үшін іс-шараларды өткізу тәртібі мен күштер мен құралдардың құрамы нақтыланды.

Оқу-жаттығудың екінші кезеңінде Орталық Азия аумағында жойқын жер сілкінісі туындаған кездегі оқу мәселелері пысықталды.

Авариялық-құтқару және кезек күттірмейтін жұмыстарды орындау аудандарында жағдайды нақтылау, топтың күштері мен құралдарын басқару, өзара іс-қимыл мен авариялық-құтқару және кезек күттірмейтін жұмыстарды жан-жақты қамтамасыз ету жүргізілді, ҰҚШҰ-ға мүше мемлекеттер бөлімшелері басшыларының төтенше жағдайларды жою кезінде бағынысты күштер мен құралдарды басқарудағы практикалық дағдылары, зардап шеккен халықтың тіршілігін қамтамасыз ету бойынша іс-шаралар, ізгілік көмекке сұрау дайындау мен оның қабылдауда, шетелдік азаматтарды іздеуде халықаралық ұйымдармен, елшіліктермен өзара іс-қимыл жетілдірілді.

Бірінші және екінші кезеңдердегі оқу мәселелері жойқын жер сілкінісі салдарынан туындаған төтенше жағдайларды жою кезіндегі іс-шараларды өткізудің тәртібі мен көлемдері, болжам негізінде қойылған міндеттерді шешу үшін бөлінетін күштердің саны мен құрамы туралы талқылау мен үйлестірілген шешім қабылдау барысында пысықталды.

Оқу-жаттығудың бірінші және екінші кезеңдерінің қорытындылары бойынша ҰҚШҰ-ға мүше мемлекеттер бөлімшелерінің жедел топтары басшыларының жойқын жер сілкінісі салдарынан туындаған төтенше жағдайларды жою бойынша іс-қимылдар туралы баяндамалары тыңдалды.

Оқу-жаттығудың практикалық бөлігі – үшінші кезеңі 2024 жылғы 5 қыркүйек сағат 10.00-де ҰҚШҰ құтқару бөлімшелерін даярлау саласындағы «Жартасты қала – Астана» базалық полигонында өтеді (Алматы облысы, Іле ауданы, Тамғалы Тас шатқалы).

ҚР ТЖМ баспасөз қызметі

Ақпарат көзі: Министерство по чрезвычайным ситуациям Республики Казахстан