Акциялар нарығын капиталдандыру негізінен KASE индексінің өкілдік тізіміне кіретін «Kaspi.kz» АҚ (+14,1%), «Қазақтелеком» АҚ (+6,4%) және «Банк ЦентрКредит» АҚ (+2,9%) акциялары бағасының өсуі есебінен 2024 жылғы маусымда 4,6%-ға немесе 1,4 трлн теңгеге (2024 жылдың басынан бастап 20,8%-ға өсу) ұлғайып, 2024 жылғы 1 шілдедегі жағдай бойынша 32,3 трлн теңгені құрады.

Акциялармен сауда-саттық көлемі негізінен «Кселл» АҚ, «Қазақстан Халық Банкі» АҚ және «Қазатомөнеркәсіп» ҰАК» АҚ акцияларымен сауда-саттық көлемінің азаюы есебінен бір айда 10,6%-ға немесе 1,2 млрд теңгеге азайып, 2024 жылғы маусымда 10,1 млрд теңгені құрады.

2024 жылғы 1 шілдедегі жағдай бойынша «Қазақстан қор биржасы» АҚ (бұдан әрі – KASE) сауда тізімдерінде 85 эмитенттің 100 түрлі акциялары болды.

2024 жылғы маусымда  KASE индексі 2,2%-ға 5 151,8 тармаққа дейін өсті (2024 жылдың басынан бастап 23,0%-ға өсті).

«KASE Global» секторында 2024 жылғы 1 шілдедегі жағдай бойынша 46 түрлі акция, 55 шетелдік эмитенттің 12 ETF болды. «KASE Global» секторындағы сауда-саттық көлемі бір айда 57,1%-ға немесе 0,8 млрд теңгеге ұлғайып, 2024 жылғы маусымда 2,2 млрд теңгені құрады.

KASE-де саудаланатын корпоративтік борыштың көлемі 2024 жылғы маусымда 14,1 трлн теңгеге дейін 1,8%-ға немесе 245,7 млрд теңгеге ұлғайды (2024 жылдың басынан бастап 4,3%-ға өсу).

2024 жылғы маусымда KASE-де корпоративтік облигациялармен сауда-саттық көлемі бастапқы нарықтағы сауда-саттық көлемінің қысқаруы есебінен өткен аймен салыстырғанда 54%-ға немесе 269,7 млрд теңгеге 229,7 млрд теңгеге дейін қысқарды. 2024 жылғы 1 шілдедегі жағдай бойынша KASE сауда-саттық тізімдерінде 117 эмитенттің корпоративтік облигацияларының 443 шығарылымы болды.

2024 жылғы маусымда корпоративтік облигациялардың бастапқы нарығының көлемі 206,0 млрд теңгені құрады, бұл 2024 жылғы мамырдағы көрсеткіштен 55,3%-ға немесе 255,3 млрд теңгеге төмен.

KASE-де саудаланатын мемлекеттік борыш 2024 жылғы маусымда  25,4 трлн теңгеге дейін 3,1%-ға немесе 758,7 млрд теңгеге ұлғайды (2024 жылдың басынан бастап 6,7%-ға өсу).

KASE-де мемлекеттік бағалы қағаздармен сауда-саттықтың жиынтық көлемі 2024 жылғы маусым айының қорытындысы бойынша 930,1 млрд теңгені құрап, бір айда 34,0%-ға немесе 235,8 млрд теңгеге өсті. 

МБҚ бастапқы нарығындағы сауда-саттық көлемі 90,3%-ға немесе 392,0 млрд теңгеге 826,1 млрд теңгеге дейін ұлғайды. Оның ішінде 86,1 млрд теңгені Алматы, Жамбыл, Қызылорда, Қостанай, Павлодар, Солтүстік Қазақстан, Түркістан, Шығыс Қазақстан, Батыс Қазақстан, Абай облыстары және Шымкент қ. әкімдіктері (мемлекеттік бағдарламаларды іске асыру мақсатында) тартты. Қаржы министрлігі 15 облигациялар шығарылымын орналастырып, өтеуге табыстылығы жылдық 12,95 – 13,43%-ды құрайтын 740,0 млрд теңгені тартты.

Ұжымдық инвестициялау нарығында 2024 жылғы 1 шілдедегі жағдай бойынша 54 инвестициялық пай қоры жұмыс істеді, оның ішінде 25 аралық, 28 жабық және 1 ашық пай қоры.

Инвестициялық пайлар нарығындағы басқарудағы активтер 2024 жылғы маусымда 5,8%-ға немесе 16,6 млрд теңгеге ұлғайып,  2024 жылғы 1 шілдедегі жағдай бойынша 300,0 млрд теңгені құрады. 2024 жылғы 1 шілдедегі жағдай бойынша бағалы қағаздар портфелі 263,7 млрд теңгені немесе инвестициялық пай қорларының жиынтық активтерінің 88,0%-ын құрады.

2024 жылғы 1 шілдедегі жағдай бойынша бағалы қағаздар нарығының институционалдық құрылымына 40 брокер мен дилер (16 банк және 24 банктік емес ұйым), 11 кастодиан-банк, 21 инвестициялық портфельді басқарушы, 3 трансфер-агент, сондай-ақ 3 инфрақұрылымдық ұйым: KASE, KASE Клирингтік орталығы және бірыңғай тіркеуші мен  сауда репозиторийінің функцияларын орындайтын Бағалы қағаздардың орталық депозитарийі кірді.

2024 жылғы маусымда Орталық депозитарийдің номиналды ұстау жүйесіндегі шоттардың саны 2,2%-ға немесе 63,8 мыңға ұлғайып, 2 907,5 мың шотты құрады, оның ішінде:

- депоненттер клиенттерінің қосалқы шоттарының саны 704,2 мың қосалқы шотқа дейін 6,1 мыңға немесе 0,9%-ға азайды (2024 жылдың басынан 7,8 мыңға немесе 1,1%-ға өсу);

- брокерлер ашқан және жинақталған омнибус-шоттар арқылы есепке алынатын дербес шоттар саны 2 203 мың шотқа дейін 70,0 мыңға немесе 3,3%-ға өсті (2024 жылдың басынан 454,3 мыңға немесе 26,0%-ға өсу).

Бағалы қағаздар нарығына кәсіби қатысушылардың активтері негізінен кері РЕПО операцияларының ұлғаюы (2024 жылдың басынан бастап 1,1%-ға ұлғаю) есебінен 2024 жылғы маусымда 2,6%-ға немесе 17,7 млрд теңгеге ұлғайып, 2024 жылғы 1 шілдедегі жағдай бойынша 710,9 млрд теңгені құрады. Міндеттемелер 229,4 млрд теңгеге дейін 4,9%-ға немесе 10,7 млрд теңгеге өсті (2024 жылдың басынан 4,5%-ға азайды). Меншікті капитал бөлінбеген пайданың өсуі нәтижесінде 481,5 млрд теңгеге дейін 1,5%-ға немесе 7,0 млрд теңгеге өсті (2024 жылдың басынан 4,0%-ға өсу).

Сыртқы коммуникациялар басқармасы

+7 (727) 237 1089, press@finreg.kz

Ақпарат көзі: Қазақстан Республикасының Қаржы нарығын реттеу және дамыту агенттігі