«ҚАЗАҚ ТІЛІН ОҚЫТУ: ИННОВАЦИЯЛЫҚ ӘДІСТЕР МЕН ТӘЖІРИБЕ»

Саран қаласы әкімдігінің «Саран қаласының тілдерді дамыту орталығы» коммуналдық мемлекеттік мекемесінің 10 жылдық мерейтойына орай мемлекеттік тілдің қоғамның әр саласында қолданылу аясын кеңейту, ақпараттық кеңістікте мемлекеттік тілдің әлеуметтік мәтебесін арттыру, тілдерді оқытуда қолданылатын жаңа технологиялармен таныстыру, тәжірибе алмасу мақсатында  2024 жылғы 27 қыркүйекте сағат 14:00-де Саран қаласының Мәдениет үйінің кіші залында «Қазақ тілін оқыту: инновациялық әдістер мен тәжірибе» атты республикалық семинар-практикум өтті.Іс-шара Саран қаласы әкімдігінің «Саран қаласының тілдерді дамыту орталығы» КММ ұйымдастыруымен өткізілуде.Аталған шараға Саран қаласының тіл мамандары, басқа өңірлердің қазақ тілі оқытушылары  мен әдіскерлері, қаламыздың мектептері мен колледждерінің қазақ тілі оқытушылары қатысты.  Шараға спикер ретінде Назарбаев Университетінің қазақ тілі және түркітану департаментінің инструкторы, Msc in Tesol, ағылшын тілін өзге тілді аудиторияларда оқыту магистрі Самал Абжанова арнайы шақырылған. Сонымен қатар, семинар-практикумға 2023 жылғы Қарағанды облысы әкімінің «Тіл жанашыры»сыйлығының «Үздік оқытушы» номинациясының иегері, Саран қаласының тілдерді дамыту орталығының қазақ тілі оқытушысы - Жупенова Динара Тәрбиеқызы қатысып, өз тәжірибелерімен бөлісті.Семинар – практикумда тілдерді оқытуда қолданылатын үздік платформалар, сонымен қатар, әр тілді оқытуда қолданылатын лайфхактар, дискурстық талдау арқылы сөйлеу дағдыларын арттыру, қазақ тілін үйретуде лексикалық дағдыларды қалыптастыру әдіс – тәсілдері көрсетілді.Іс-шараның соңында қатысушылар өзара пікір алмасып, өз сұрақтарын қойды.Іс – шара соңында спикерлерге Саран қаласының мәдениет, тілдерді дамыту, дене тәрбиесі және спорт бөлімі басшысының алғыс хаты табысталды. Сонымен қатар, семинар-практикумға қатысушыларға сертификаттар табысталды

«Тілдерді оқыту: әдіс, тәжірибе, инновация» тақырыбында қалалық семинар – практикум

Мемлекеттік тілдің қоғамның әр саласында қолданылу аясын кеңейту, ақпараттық кеңістікте мемлекеттік тілдің әлеуметтік мәртебесін арттыру, тілдерді оқытуда қолданылатын жаңа технологиялармен таныстыру, әр тіл мамандарының тәжірибелерін ортаға салу мақсатында 2024 жылғы 10 қазанда Мәдениет үйінде облыс, қала тіл мамандарының, жеке оқу орталықтарының қатысуымен, қаламыздың тіл мамандарына, колледждің оқытушылары мен жоғары курс студенттеріне арналған «Тілдерді оқыту: әдіс, тәжірибе, инновация» тақырыбында қалалық семинар – практикум өткізілді.Семинарда республика, облыс, қала деңгейіндегі байқаулардың жеңімпаздары, заманауи оқулықтардың авторлары, Халықаралық деңгейдегі семинар ұйымдастырушылары өз тәжірибелерін ортаға салды.

Ақпарат көзі: ГУ «Отдел культуры, развития языков, физической культуры и спорта города Сарани»