2024 жылдың 2 қыркүйегінде  Мәлік Ғабдуллин атындағы Азаматтық қорғау академиясында Білім күніне және жаңа оқу жылының басталуына арналған салтанатты жиын өтті.

Академия бастығының міндетін атқарушы азаматтық қорғау полковнигі Токсейітов Қ.Т. жеке құрамды білім күнімен құттықтап, курсанттарға табандылық, өздеріне сенімділік пен жаңа білім шыңдарын бағындыруды тілеп, ұстаздарға даналық пен шыдамдылық, шығармашылық табыс тіледі.

Әрі қарай оқу орны ардагері  К.Ж.Райымбеков құттықтау сөзін сөйледі.

Сондай-ақ, бұл күні 1 курстың курсант қыздарына  гүл шоқтары табысталды.  Мерекелік шара салтанатты маршпен аяқталды.

Айта кетейік, биыл Академияға 105 курсант оқуға түсті. Оның 5-еуі Қырғызстаннан,  4-уі қыз. Сонымен қатар, Қазақстаннан 20 курсант Беларусь Республикасы мен Ресейдің Төтенше жағдайлар министрлігінің мамандандырылған жоғары оқу орындарына жіберілді.

Барлық қызметкерлерді, оқытушылар құрамын, курсанттарды Білім күнімен құттықтаймыз! Сізге зор денсаулық, жақсылық тілейміз! Барлық ойларыңыз бен жоспарларыңыз орындалып, жаңа оқу жылы жемісті де табысты болсын!

Мәлік Ғабдуллин атындағы

Азаматтық қорғау академиясының

баспасөз қызметі

Ақпарат көзі: Министерство по чрезвычайным ситуациям Республики Казахстан