Азаматтық қорғау органдарының (ТЖМ) қызметі мәселелері жөніндегі Қоғамдық кеңестің кезекті отырысы өтті.

Отырыста Төтенше жағдайлар вице-министрі Б.М. Сыздықов Министрліктің 2024 жылғы 1 тоқсандағы жұмыс нәтижелері және ағымдағы жылға арналған міндеттер туралы баяндама жасады.

Сондай-ақ 2023 жылғы республикалық бюджеттің атқарылуы және 2024 жылға арналған қаржыландыру көлемі туралы есеп қаралды.

Қоғамдық кеңес азаматтық қорғау саласында геоақпараттық жүйелерді дамытуды, ақпараттандыруды және ақпараттық-коммуникациялық технологияларды жетілдіруді жалғастыру жөнінде ұсынымдар берді.

Бірауыздан қабылданған шешіммен азаматтық қорғау органдарының (ТЖМ) қызметі мәселелері жөніндегі Қоғамдық кеңестің Ережесіне «Қоғамдық кеңес мүшелерінің мінез-құлық этикалық нормалары» атты жаңа бөлім енгізілді, сондай-ақ Қоғамдық кеңес мүшесінің мәртебесін куәландыратын құжаттың ережесі мен үлгісі бекітілді.

Ақпарат көзі: Министерство по чрезвычайным ситуациям Республики Казахстан