Өңір басшысы Баянауыл, Ертіс аудандарына, сондай-ақ, Қалқаман кентіне барып қайтты.

Ертіс ауылында Асайын Байханов ҰОС ардагері Анна Носоваға барды. 19 жасында зенит-атқышы болып Украина майданына шақырылған ардагер өткен жылдың қараша айында 100 жасқа толды. Соғыстан кейін «Родина» колхозында 40 жыл еңбек етті. Қазір Анна Петровнаның 4 баласы, 14 немересі, 11 шөбересі және 2 шөпшегі бар.
Облыс әкімі ғасыр жасаған ардагерге Жеңістің 80 жылдығын қарсы алуға тілек білдірді.

Қалқаман ауылының тұрғыны Василий Московченко 17 жасында соғысқа шақырту алған. Зеңбірекші қазір 97 жаста. Ол Фин, 1-Қиыр шығыс майдандарындағы, Жапонияға қарсы соғысқа қатысты. II дәрежелі Отан соғысы орденінің иегері болып оралды, көптеген жауынгерлік медальдармен марапатталған. 2 бала тәрбиелеп өсіріп, 4 немере және 8 шөбере көріп отыр.
Василий Гаврилович жұбайы Ольга Ивановнамен бірге көңіл бөлгендері үшін қонақтарға ризашылығын білдірді.

Баянауыл ауданындағы жалғыз ҰОС ардагері Қайыр Хасенов 98 жаста. Қайыр Хасенұлы 17 жасынан бастап Батыс майданында, Қиыр Шығыста соғысқан. Житомирде ауыр жараланып, аман қалады. Жауынгерлік жолы Маньчжурияда аяқталды. II дәрежелі Ұлы Отан соғысы ордендерімен, Жуковтың, Германияны азат еткені үшін және т. б. медальдармен марапатталған. Үш ұл мен екі қыз тәрбиелеп өсірді.

Ақсақал өңір басшысына көңіл бөлгені үшін алғысын білдіріп, өскелең ұрпаққа тілегін жеткізді.
- Әлемді қорғаңдар - бұл бәріне қажет. Оның қандай бағамен келгенін естеріңде сақтаңдар, - деді ардагер.

Ардагерлермен кездесулер барысында Асайын Байханов әрбірінен қандай мәселелер толғандыратынын және ненің қажет екенін сұрады.
- Біз сіздердің алдарыңызда өлшеусіз қарыздармыз. Жеңіс үшін басымды иіп, алғысымды айтамын! Балаларыңыздың, немерелеріңіз бен шөберелеріңіздің жетістіктеріне қуанып, бақытты өмір сүріңіздер, - деді облыс әкімі.

Павлодар облысы әкімінің баспасөз қызметі
Суреттерді түсірген Валерий Бугаев

Ақпарат көзі: ГУ «Аппарат акима Павлодарской области»