Павлодар облыстық балалар ауруханасында шұғыл стоматологиялық қызмет іске қосылды

Павлодар облыстық балалар ауруханасының консультативтік-диагностикалық емханасында шұғыл стоматологиялық көмек көрсету қызметі іске қосылды. Енді аймақтағы 18 жасқа дейінгі балалар түнгі уақытта және демалыс күндері шұғыл стоматологиялық көмек ала алады.

Бұл қызметтің іске қосылуы стоматологиялық жедел жағдайларға жылдам жауап беруге мүмкіндік беріп, балалар мен жасөспірімдердің медициналық қызметтерге қолжетімділігін арттырады. Емхана науқастарға көмек көрсету сапасын жақсарту және қолжетімділікті арттыру бағытындағы жұмысын жалғастыратын болады.

Ақпарат көзі: Павлодар облысының денсаулық сақтау басқармасы