2024 жылғы 8 сәуір – 13 мамыр аралығында Таза Қазақстан» республикалық экологиялық акциясы өткізілуде. Оның мақсаты – халық арасында экологиялық мәдениетті қалыптастыру және Отанға деген сүйіспеншілікті арттыру болып табылады.

«Таза өлке» атауымен экологиялық акцияның бірінші аптасында қаланың білім беру ұйымдарының оқушылары мектеп аулаларын абаттандыру жұмыстарын жүргізді.

«Киелі мекен» апталығы аясында 18 сәуір күні мектептің өзін-өзі басқару көшбасшылары Жауынгерлік Даңқ аллеясының аумағында сенбілік ұйымдастырды. Мектеп көшбасшыларының бастамасын қала әкімі Бауыржан Сейітқалиұлы Ғайса қолдады.

«Көрсетіп жатқан белсенділіктеріңіз мен Ұлы Отан соғысының батырларына деген құрметі үшін алғысымды білдіремін. Қаламызды таза ұстау өзіміздің әрқайсымыздан басталатынын ұмытпауымыз керек. Өскелең ұрпақ сіздердей өз елінің патриоты болса екен деп тілеймін, болашақтарың жарқын болсын» деді қала әкімі Б.Ғайса.

Сенбіліктен кейін жастар динамикалық және музыкалық тимбилдинг өткізді, өз ойларын ортаға салып, жоспарлар белгілеп, гитарамен ән шырқады.

Ақпарат көзі: ГУ «Аппарат акима города Кокшетау»

Біздің Telegram арнамызға жазылыңыз және барлық маңызды оқиғалардан хабардар болыңыз, мына сілтеме - https://t.me/gurkkz