Демежановтар отбасында екеуі де адамдарға көмек беретін мамандықты таңдаған. Күйеуі - № 3 өрт сөндіру бөлімінің бөлімше командирі Сымбат Демежанов отпен, басқа да төтенше жағдайларды жоюмен арпалысуда, ал оның жары Мадина кадр бөлімшесінде еңбек етеді.

Отбасында үш бала өсіп келеді, олар ата-аналарының төтенше жағдайлар жүйесінде қызмет ететіндеріне мақтанышпен қарайды.  

Жұмыс кестесінің қиындығына қарамастан, отбасы мүшелері дастархан басына жиналып күндерінің қалай өткендіктерімен бөліседі.  

Отасқандарына 11 жыл ғана болсада олар ата-ана атанып, өздеріне жайлы үй салып үлгерді.

Мадина мен Сымбат отбасымен өткен әрбір күнге қуанып, ләззат ала білу керек деп санайды. «Отбасы – адамды мықты болуға, үлкен жетістіктерге жетуге талпынуға жетелейді» - деді отағасы Сымбат.

Мадина күйеуі көп жұмыс істеп, күрделі, үлкен өрттерге кеткенде әрқашан қолдау білдіріп отырады. Жұмысының көптігіне қарамастан, Сымбат жанұясына уақыт бөлуге тырысады.  Балалары әкелерін батыр деп санайды және онымен мақтанады. Ұлы Арсен әкесінің кәсібіне қызығушылықпен қарайды және үлгі тұтады. Болашақта әкесі сияқты құтқарушы болғысы келеді.

Жастары үлкен аталар мен әжелерді құрметтеу, олармен ақылдасу – отбасының негізгі дәстүрі.

Отбасы күнінде Демежановтар отбасы барлығына бақыт, бейбіт өмір, жан жылулығын тілейді.  

ШҚО ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан