Қорғаныс министрлігінің Алматыдағы қосымша білім беру мекемесінде алты айлық қарқынды тілдік дайындық курсының қорытындысы шығарылды ҚР Қарулы күштерінің 77 әскери қызметшісі қатысқан оқудың аяқталуына орай салтанатты рәсім өтті.

Курстың сәтті аяқталуымен білім алушыларды Бітімгерлік операциялар орталығының бастығы полковник Бауыржан Нығметуллин құттықтады. 

– Бітімгерлік миссия құрамындағы қызмет, ол әртүрлі елдердің әскери қызметшілерімен және жергілікті тұрғындармен қарым-қатынасты көздейді. Ағылшын тілін білу көпұлтты ортаға тез бейімделіп, қажетті байланыстарды орнатуға көмектеседі, – деп тілдік оқытудың практикалық пайдасын атап өтті.

Курс бағдарламасына грамматика, сөздік қорды кеңейту, тыңдау және сөйлеу дағдыларын дамыту бойынша қарқынды сабақтар, сондай-ақ мәдениетаралық өзара әрекеттесу мен кәсіби терминология бойынша арнайы модульдер кірді.

Қонақ ретінде шақырылған Ұлыбритания әскери атташесінің көмекшісі сержант Оливер Хэбсон әскери қызметшілерді тілдік даярлаудың маңыздылығын атап өтті. Курс ұйымдастырушыларына алғысын білдіре отырып, халықаралық ынтымақтастық пен бітімгерлік күш-жігер контекстінде әскери қызметшілерді даярлаудың жоғары стандарттарын сақтау үшін ағылшын тілін білудің маңыздылығына тоқталды.

Сабақ барысында курсқа қатысушылар өздерінің тілдік дағдыларын жетілдіріп қана қоймай, шетелдік әріптестерімен тиімді өзара қарым-қатынасқа ықпал ететін мәдениетаралық коммуникация элементтерін де игерді.

Әскери қызметшілер нұсқаушыларға кәсібилігі мен көрсеткен қолдауы үшін алғыс айтып, осындай бағдарламаларды әрі қарай жалғастырудың маңыздылығын атап өтті. Іс-шара соңында оларға ағылшын тілі курсынан өткені туралы сертификаттар табыс етілді.

Әскери қызметшілердің кәсіби деңгейін арттыру жөніндегі Қорғаныс министрлігі стратегиясының бір бөлігі болып табылатын тілдік курс тыңдаушылар саны бойынша ең ірі курс болғанын атап өткен жөн.

Ақпарат көзі: Министерство обороны Республики Казахстан