18-20 қыркүйек аралығында ЕАЭО-ға мүше мемлекеттер мен Біріккен Араб Әмірліктері арасында экономикалық серіктестік туралы келісім (еркін сауда туралы келісім) жасасу бойынша келіссөздердің төртінші раунды өтті.

Тараптар болашақ келісім жобасының маңызды бөлігі болып табылатын нарықтарға қол жеткізу (импорттық баждарды төмендету) ережелері мен мәселелерін келісуде маңыздылығын атап өтті.

Сауда және интеграция вице-министрі Жанель Кушукова екі жақтың сындарлы көзқарасы өзара тиімді шарттарға қол жеткізуге мүмкіндік беретінін айтты.

«Нарықтарға өзара қол жеткізу мәселелері еркін сауда туралы келісімдердің негізі болып табылады. Қазіргі уақытта біз Әмірліктер тарапымен тарифтік ырықтандыру шарттарын талқылау шеңберінде айтарлықтай жетістіктерге қол жеткіздік» - деп атап өтті Сауда және интеграция вице-министрі Жанель Кушукова.

2024 жылғы мамырда Қазақстан Республикасының Президенті Қ. К. Тоқаев Жоғары Еуразиялық экономикалық кеңесі отырысының барысында басқа елдермен сауда келісімдер желісін кеңейтудің маңыздылығын атап өтті.

Анықтамалық ақпарат: 2024 жылғы қаңтар-шілдеде Қазақстан мен БАӘ арасындағы тауар айналымы 145,8 млн долларды құрады. Қазақстан БАӘ-ге 60,4 млн долларға тауар экспорттады, оның ішінде күміс, прокат және қой еті, ал импорт 85,4 млн долларды құрады, негізгі импортталған тауарлар құбырлар мен сорғылар болды.

Ақпарат көзі: Министерство торговли и интеграции Республики Казахстан