Нысан жеке кәсіпкердің демеушілік қаражаты есебінен бой көтерді. «Туған жерге тағзым» акциясы аясында кәсіпкер 150 млн теңгедей көмек көрсеткен.

 Астана күніне орай, Мәртөк ауданының Байторысай ауылында жаңадан бой көтерген спорт кешені салтанатты түрде ашылып, іске қосылды. 

Ангар типті нысанда балалар мен жасөспірімдер, тіпті ересектер еркін күрес, волейбол, футбол, үстел теннисі сияқты спорт түрлерімен шұғылдана алады. Түрлі жарыстар ұйымдастыруға да болады.

 Спорт кешенін Байторысай ауылында салынуына осы ауылда 1967 жылы туған, Байторысай орта мектебінің түлегі Сергей Васильевич Черный қолдау көрсетті. «Руссоль» ЖШС директоры «Туған жерге тағзым» акциясы аясында ауылдың дамуына 150 млн теңге қаржы бөліпті. 2022 жылы 12 миллион теңгеге орта мектепке ағымдағы жөндеу жүргізілсе, былтыр спорт кешенінің құрылысына 75 миллион теңге бағыттаған. Ауылды абаттандыру жұмыстары да жақын күндері басталмақ.

 Аудан әкімі Медет Ысқақов спорт кешенінің ашылуы Байторысай тұрғындарының өмір сүру сапасын жақсартып қана қоймай, жергілікті қоғамдастықтар мен бизнес тарапынан бірлескен күш-жігер мен қолдаудың символына айналады деп сенеді.

t.me/aqtobe_oblysy_akimdigi

Ақпарат көзі: ГУ «Акимат Актюбинской области»