Білім басқармасының басшысы Нұржан Ахметқалиев балаларға арналған жазғы демалысты ұйымдастыру бойынша қабылданған шаралар туралы баяндады. Балалардың демалу қауіпсіздігі мен сапасын қамтамасыз ету үшін сауықтыру объектілеріне қойылатын талаптар алгоритмдері және балалар мен ата-аналарға арналған жадынамалар әзірленді.

Мәселен, басқармалармен және департаменттермен келісілген Абай облысының 2024-2026 жылдарға арналған жазғы каникул кезеңінде балалардың сауықтыру демалысын, бос уақытын және жұмыспен қамтылуын ұйымдастыру жөнінде басқармалармен және департаменттермен келісілген іс-шаралар жоспары бекітілді. Балалардың демалысын ұйымдастыру бойынша ведомствоаралық өңірлік штаб құрылды, полиция, төтенше жағдайлар, санитарлық-эпидемиологиялық бақылау департаменттері өкілдерінің құрамында балалардың демалысын ұйымдастыруға мониторинг жүргізу бойынша ведомствоаралық комиссия құрылды. Жазғы демалыста әр баланы сауықтыруымен және жұмыспен қамтуын ұйымдастыру үшін алдын ала тізім жасақталды.

Сондай-ақ, білім беру ұйымдары демалысты ұйымдастыру жөнінде әдістемелік ұсынымдармен, сауықтыру лагерлерінің жұмысы бойынша алгоритмдермен, балалар мен ата-аналарға арналған жадынамалармен және ҚР Оқу-ағарту министрлігінің 1-10 сынып оқушыларына арналған «Сенің қуанышқа толы демалысың» Guidebook-ымен қамтамасыз етілді. Сондай-ақ, Абай облысының 2024 жылғы жазғы кезеңінде балалардың демалысын, сауықтырылуын және жұмыспен қамтылуын ұйымдастыру тұжырымдамасы әзірленген.

Тарихи-мәдени мұраны сақтау және балалар туризмін дамыту үшін «Тропа открытий» жобасы қолға алынды. Жоба аясында 1200 баланы қамтитын 80 өлкетану жасағы құрылды, олар аймақтың тарихи орындары мен көрікті жерлеріне баруға мүмкіндік алады. Сонымен қатар, олар зерттеу жұмыстарымен айналысады.

Кәсіптік бағдар беру жұмысы, балалардың назарын техникалық және аграрлық салаларға тарту, жұмысшы кәсіптеріне қызығушылықты дамыту мақсатында «Колледждердегі жазғы кәсіптік бағдарлау лагерлері» жобасы іске асырылатын болады. Биыл бұл жоба 9-10 сыныптардың 360 оқушысын қамти отырып, бейіні бойынша 5 колледжде басталады.

Білім басқармасы Шәкәрім атындағы университетпен бірлесіп «JAS AKADEMIK-2024» жазғы мектебін ұйымдастыру бойынша жұмысты жалғастырады, онда 130 дарынды бала теориялық білімдерін тереңдете отырып, түрлі деңгейдегі олимпиадаларға дайындалу мүмкіндігіне ие болады. Оқушылар эксперименттер, зертханалық зерттеулер, «Профессорлық сағаттар», тренингтер мен практикумдарға қатысады.

Бұл сұрақ бойынша аймақ басшысы Нұрлан Ұранхаев білім басқармасы, қала және аудан әкімдерімен және құзырлы мемлекеттік органдармен бірлесіп жазғы кезеңде балалардың, соның ішінде әлеуметтік осал отбасылардан шыққан балалардың демалысын қолданыстағы заңнама нормаларына сәйкес ұйымдастырылуын қамтамасыз eтуді, демалыс лагерлеріндегі санитарлық және басқа да қауіпсіздік шараларын сақтау жөнінде қатаң шаралар қабылдауды тапсырды.

Ақпарат көзі: Абай облысының әкімдігі