Жақын арада жаңа оқу жылы

басталады, бұл ретте

балалардың жолдағы қауіпсіздігі

-

ең маңызды міндеттердің бірі. Жетісу облыстық Полиция департаменті ата-аналарды жол қозғалысы ережелеріне ерекше назар аударуға және бұл шараларды балаларға кеңінен түсіндіруге шақырады.

Бұл ретте балалар мынадай негізгі ережелерді қатаң сақтауы керек:

* Жолдан тек бағдаршамның жасыл көзі жанғанда немесе жаяу жүргіншілер өткелінен өту керек. Мұның маңызы неде екенін және белгіленбеген жерден өткенде қандай қауіптерге тап болуы мүмкін екенін түсіндіріңіз.

* Балаңызға жолға жақын және жол бойында ойнауға тыйым салыңыз. Жол ойнауға емес, автомобильдерге арналған орын екенін түсіндіріңіз.

* Балаңызды үйден мектепке дейін және кері қарай жүретін жолдың қауіпсіз маршрутына дағдыландырыңыз. Оған жолды кесіп өтетін ең қауіпсіз жерді және көлікті күтуге қолайлы жерді көрсетіңіз.

* Қараңғы түскен мезгілде балаға шағылыстыратын элементтері бар киім кигізіңіз. Бұл жүргізушілердің жаяу жүргіншіні алыстан көруіне және қауіпті жағдайлардан сақтануға көмектеседі.

* Балаңызға үлгі болыңыз. Жол ережесін өзіңіз сақтаңыз, сонда бала сізден үлгі алады.

Есіңізде болсын: сіздің қырағылығыңыз бен қамқорлығыңыз - балаларыңыздың қауіпсіздігінің кепілі!

Жетісу облысының Полиция департаменті баспасөз қызметінің мәліметі бойынша

 

Фотосуреттер ашық дереккөздерден алынды

Ақпарат көзі: Жетісу облысының әкімдігі