Балаларды қорғау күні қарсаңында Конституциялық Сот Астана қаласының оқушылары үшін ашық есік күнін ұйымдастырды.

Жас қазақстандықтарға Аппарат қызметкерлері адам мен азаматтың құқықтары мен бостандықтарын, мемлекеттік билік пен сот төрелігі жүйесін бекітетін Конституцияның ережелері, тұлғаның рухани-адамгершілік қалыптасуы мен дамуындағы конституциялық құндылықтардың рөлі, «Әділетті Қазақстан – Адал азамат» тұжырымдамасындағы патриотизм мен азаматтықтың рөлі туралы айтып берді.

Экскурсия барысында балалар Конституцияның үстемдігін қамтамасыз ететін конституциялық бақылау органының қызметімен танысты.

Аталған шара «Әділетті Қазақстан – Адал азамат» тұжырымдамасы аясында қызметкерлердің бастамасымен ұйымдастырылды. Бұл тұжырымдаманың міндеттерін Мемлекет басшысы Қасым-Жомарт Тоқаев Ұлттық құрылтайдың екінші отырысында атап өтті. Тәуелсіздік пен Патриотизм, Бірлік пен Ынтымақтастық, Әділдік пен Жауапкершілік, Заң мен Тәртіп, Еңбекқорлық пен Кәсіпқойлық, Жасампаздық пен Жаңашылдық идеологиялық негіз ретінде белгіленді.

Ақпарат көзі: Қазақстан Республикасының Конституциялық Соты