Ауыл шаруашылығы министрлігінің Балық шаруашылығы комитеті балық өнімдерін қайта өңдеуді субсидиялау Қағидаларының жобасын әзірлейді.

Қазіргі уақытта балық өңдеу кәсіпорындары балықты терең өңдеуді кеңейтуге мудделі емес, өйткені олар мемлекеттік қолдау шараларымен қамтылмаған. Қайта өңдеу өнімдерінің өзіндік құнын төмендету және рентабельділігін арттыру мақсатында түпкілікті балық өнімдерін субсидиялау тетігін енгізу ұсынылады. Бұл өз кезегінде отандық шикі балыққа, оның ішінде өсірілген балыққа сұранысты тудырады, сонымен қатар қосылған құны жоғары балық өнімдері экспортының өсуін қамтамасыз етеді және сайып келгенде саланың экспорттық әлеуеттін арттырады.

Балық өнімдерін қайта өңдеуді субсидиялау тетігін енгізу балық шаруашылығын дамытудың 2021-2030 жылдарға арналған бағдарламасын іске асыру шеңберіндегі маңызды қадамдар болып табылады. Бұл қадам саланың ынталандыруға және өңделген балық өнімдерін өндіруді ұлғайту, балық шаруашылығын мемлекеттік қолдауды қамтамасыз ету, балық ресустары мен өсімін басқа да су жануарларын қорғау мен өсімін молайтуды қамтамасыз ету, сондай-ақ саланы ғылыми және қадрлық қамтамасыз ету үшін жағдайлар жасауға бағытталған.

Айта кету керек, субсидиялар дайын өнімді өндіру және өткізу үшін балық шикізатын кәсіпшілік, көл-тауарлық, тор және басқа да балық өсіру шаруашылықтарынан сатып алу кезінде балық өңдеуші кәсіпорындарға төлеуге міндетті.

Кепілдердірілген сатып алу бағалары белгіленетін балықтардың нақты тізбесіне сәйкес балық шикізатын сатып алу шығындары (килька, табан, қарақөз, сазан (тұқы), жайын, дөңмандай) субсидиялауға жатады.

Жоба сараптамаға, сондай-ақ құзыретті мемлекеттік органдармен келісуге жіберіледі және Қазақстан Республикасы Ауыл шаруашылығы министрінің бекітуіне ұсынылады.

Осы ретте аталған Қағидалар 2025 жылыдың 1 қаңтарынан бастап күшіне енеді және істей бастайды деп болжануда.

ҚР Ауыл шаруашылығы министрлігінің Балық шаруашылығы комитетінің ақпараты бойынша.

Балық өнімдерін қайта өңдеуді субсидиялау Қағидалары 2025 жылдың 1 қаңтарынан бастап күшіне енеді (www.gov.kz)

Ақпарат көзі: Жетісу облысының әкімдігі