Мемлекеттік қызмет істері агенттігімен сервистік және клиентке бағдарланған мемлекеттік аппаратты одан әрі қалыптастыру аясында білім беру саласындағы мемлекеттік қызметтерді алу тәртібін түсіндіру бойынша бірыңғай «Қызмет алушылар күні» ұйымдастырылды.

«Қызмет алушылар күні» еліміздің барлық өңірлерінде бірыңғай форматта өтіп, оған 3000-ға жуық азамат қатысты.

Іс-шара аясында университеттер, мектептер мен балабақшалардың өкілдері қатысып, осы саладағы қызмет алу рәсімдерін түсіндірді.    

Жаңа оқу жылының басталуы қарсаңында құжаттарды қабылдау және балаларды мектепке дейінгі ұйымдарға қабылдау мәселелері сұранысқа ие болды. Сонымен қатар, қатысушыларды дипломдардың телнұсқаларын беру, балаларды ұйымдар арасында ауыстыру, орта және жоғары білім беру ұйымдарындағы жатақханаларда орындарды бөлу мәселелері қызықтырды.

Азаматтарға мемлекеттік қызметтерді алу құқықтары, мемлекеттік қызметтерді көрсету сапасын бағалау және бақылау жөніндегі уәкілетті органға көрсетілетін қызметті берушілердің шешімдеріне шағымдану тәртібі түсіндірілді.

Ақпарат көзі: Агентство Республики Казахстан по делам государственной службы