Батыс Қазақстан облысы аумағында «Жер-2024» республикалық командалық-штабтық оқу-жаттығу өтті.

Оқу-жаттығудың негізгі мақсаты – облыстық азаматтық қорғау мемлекеттік жүйесі және халықтың жойқын жер сілкінісі салдарынан болған төтенше жағдайларды жою жөніндегі іс-шараларға дайындығы мен қабілеттілігінің деңгейін арттыру және облыстық (қалалық және аудандық) қызметтер мен азаматтық қорғау құралымдарының жер сілкінісі кезеңіндегі төтенше жағдайға ден қоюға дайындығын тексеру болып табылады.

Бүгінгі жаттығуда азаматтық қорғау мемлекеттік жүйесін басқару органдары, күштері мен құралдары дайындыққа келтірілді, болжам негізінде ықтимал төтенше жағдайды жою жөніндегі функционалдық міндеттерді орындауға АҚМЖ күштері мен құралдарын қолдануды дайындау, ұйымдастыру бойынша жұмыстар жүргізіліп, жедел жағдай бойынша төтенше жағдайды жоюға шешімдер қабылданған болатын.

Оқу-жаттығуға барлығы 245 адам, 148 бірлік техника, 1 бірлік ұшақ, 7 бірлік платформасы, 2 бірлік жолаушылар вагоны тартылды.

Оқу-жаттығуға басшылық етудің облыстық штабы ТЖД құрылып, практикалық бөлігі теміржол вокзалы және әуежай аумағы, сонымен қатар, облыстың 12 ауданында өткізілді.

БҚО ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан