Облыс әкімі Бейбіт Исабаев жұбайымен бірге Талдықорған қаласының Ілияс Жансүгіров атындағы Мәдениет сарайында №389 референдум учаскесінде дауыс берді, - деп, хабарлайды облыс әкімінің баспасөз қызметі.

- Бүгін тарихи маңызы бар күн. Өйткені егеменді тарихымызда халық, көпшілік қоғам бірінші рет өз елінің экономикалық, энергетикалық болашағы үшін өз таңдауын жасайды. Конституцияға сәйкес мен де өзімнің құқығымды пайдаланып, сайлау учаскесіне келіп, даусымды бердім. Өзімнің таңдауымды жасадым, - деді облыс әкімі Бейбіт Исабаев.

Айта кетейік, Жетісу облысында 463 сайлау учаскесі бар, олар таңғы сағат 07:00-ден бастап жұмыс істейді. Өңірдегі сайлаушылар саны -  442 мыңнан астам.

Жетісу облысы әкімінің баспасөз қызметі

Фототілші: Жеңіс Ысқабай

Ақпарат көзі: Жетісу облысының әкімдігі