2022 жылдың қыркүйегінде Мемлекет Басшысы Қасым-Жомарт Тоқаев «Жайлы мектеп» ұлттық жобасын әзірлеп, іске асыруды тапсырған болатын, сонымен қатар жоба әрбір қазақстандық оқушының оқу және жан-жақты даму үшін лайықты жағдайлары болуы тиіс екенін атап өтті.

«Жайлы мектеп» білім беру саласындағы ұлттық жобаны іске асыруды «Samruk-Kazyna Construction» АҚ жүзеге асырады.

«Жайлы мектеп» ұлттық жобасын іске асыру аясында Көкшетау қаласында 3 жайлы мектептің құрылысы басталды, оның бірі Бейбітшілік шағын ауданында.

2024 жылғы 4 маусымда Көкшетау қаласы әкімдігінің бастамасымен шағын аудан тұрғындарымен кездесу ұйымдастырылды, онда «Samruk-Kazyna Construction» АҚ өкілі мектеп құрылысы туралы айтып берді.

«Бүгінгі таңда қала әкімдігімен жер телімі бөлінді. Көріп отырғаныңыздай, біз жұмысты бастадық. Құрылыс ұзақ қызмет ету мерзімін және оқушыларға барынша жайлылықты қамтамасыз ету үшін заманауи технологиялар мен материалдарды пайдаланады. Мектеп осы шағын ауданның барлық тұрғындары үшін білім және мәдениет орталығы болады деп сенемін», - деді АҚ өкілі.

Сөз сөйлегеннен кейін ол қойылған сұрақтарға жауап берді.

Тұрғындар Бейбітшілік шағын ауданда жайлы мектеп салынып жатқанына ризашылықтарын білдірді және жақын арада ашылатынына үміттенеді.

Кездесу шағын аудан ақсақалдарының батасымен аяқталды.

Ақпарат көзі: ГУ «Аппарат акима города Кокшетау»