Графика, кескіндеме, мүсін, сәндік-қолданбалы өнер – қарағандылықтарды қалалық Суретшілер Одағының 60 жылдығына арналған есептік көрмеге шақырады. Экспозиция облыстық бейнелеу өнері мұражайында ашылып, жергілікті шеберлердің жетістіктерін көрсетеді.

Қазір Қарағанды Суретшілер одағының құрамына 57 кәсіпқой кіреді. Олардың арасында суретшілер ғана емес, өнертанушылар да бар. Бұл шеберлердің көпшілігі мемлекеттік наградалармен марапатталған, сондай-ақ беделді халықаралық байқаулар мен фестивальдердің жеңімпаздары мен жүлдегерлері болып табылады.

"Көрме экспозициясында танымал шеберлер мен жас суретшілердің, сондай-ақ қандай да бір шығармашылық бірлестіктерге кірмейтін және өзінің көрме жолын жаңадан бастаған авторлардың туындылары ұсынылған.

Қалыптасқан дәстүр бойынша пейзаж жанры кеңінен қолданылады. Ол экспозицияда айтарлықтай орын алады және Сергей Щеголихин, Мәдихан Қалмаханов, Фания Исламованың көркем суреттерінде айқын көрсетілген", – дейді мұражайда.

Көрмедегі танымал графиктер мен суретшілердің арасында Владимир Троценко, Хайниса Мұстафина және Евгения Казакованың туындыларын көруге болады.

Айдархан Қалмахановтың, Виктор Аренттің, Сергей Чеченовтің стильдендірілген мүсіндік композициялары ұсынылған.

Сәндік-қолданбалы өнерге ерекше орын берілген. Мұнда Надежда Болюхтың жұмысымен танысуға болады.

Көрме 8 қаңтарға дейін ашық.

Мұражайдың мекен-жайы: Бұқар жырау даңғылы, 76.

Ақпарат көзі: ГУ «Аппарат акима Карагандинской области»