Бейнеу ауданында сайлау комиссияларының мүшелеріне

семинар өтті

Қазақстан Республикасы Орталық сайлау комиссиясының «Қазақстан Республикасындағы сайлау процесіне қатысушыларды  оқытуды ұйымдастыру жөніндегі 2024 жылға арналған  шаралар кешені туралы»  қаулысын жүзеге асыру мақсатында, ағымдағы жылдың 14-16 мамыр  аралығында ҚР Президентінің жанындағы мемлекеттік басқару академиясы Маңғыстау облыстық филиалының ұйымдастыруымен «Қазақстан Республикасындағы сайлау процесін ұйымдастырудың теориялық және практикалық негіздері» тақырыбында семинар өткізілді.     

Оқу процесіне Бейнеу ауданының аумақтық, округтік және учаскелік сайлау комиссияларының мүшелері қатысты. Семинарда барлығы 100 комиссия мүшесі қамтылды.

Семинардың бірінші күні Бейнеу ауданындағы Боранқұл ауылында өтті. Аталған ауылға  қарасты үш учаскелік сайлау комиссияларының мүшелері толық қатысты. Іс шара барысында Маңғыстау облыстық сайлау комиссиясының төрағасы Е.Абилов, облыстық сайлау комиссиясы төрағасының орынбасары Ж.Айтуаров және комиссия мүшесі С.Сейдалиев семинарға қатысушыларға сайлау процестері барысы бойынша заңнамаларды түсіндіріп, әртүрлі ситуациялық сұрақтарды талқылады.

Семинардың екі күні Бейнеу ауданы орталығы - Бейнеу ауылында жалғасты.  

Сайлау заңнамасы бойынша жан-жақты білім алған семинарға қатысушылар оқу процесін ұйымдастыру туралы оң пікір білдірді. Іс-шара соңында тестілеу әдісімен білім алушылардың алған білімдерін бағалау жүргізіліп, сертификаттар табысталды.

Сондай-ақ, Боранқұл ауылы әкімінің алдағы сайлауға дайындығын бақылау мақсатында облыстық сайлау комиссиясының мүшелері сайлау учаскелеріне барып, комиссия мүшелеріне практикалық ұсыныстар берді.

Ақпарат көзі: ГУ "Аппарат акима Мангистауской области"