Әлеуметтік маңызы бар азық-түлік өнімдерінің бағасын тұрақтандыру мақсатында Бесқарағай ауданында апта сайын ауыл шаруашылығы жәрмеңкелері өтуде.

Аудан орталығында Бесқарағай, Глуховка, Долон ауылдық округтерінің қатысуымен ауыл шаруашылығы өнімдерінің жәрмеңкесі өтті. Тұрғындарға нарықтық бағадан 10-20% төмен бағамен өнім ұсынылды.

Жәрмеңкеге аудан әкімі Талғат Мұратов қатысты.

«Біз көптеген табиғи өнімдерді әкелдік. Сатылымда тек ет қана емес, күнбағыс майы, сүт өнімдері мен көкөністер де бар», - деді аудан әкімі Талғат Мүратов. Жәрмеңкеде тұрғындар ет, картоп, көкөністер, сүт, нан-тоқаш өнімдері, күнбағыс майы және басқа да ауылшаруашылық өнімдерін тиімді бағамен сатып ала алды.

Ақпарат көзі: Абай облысының әкімдігі