Ақтөбе облысында су тасқынынан зардап шеккен 15 отбасы BI Group құрылыс компаниясы сатып алып берген пәтерлердің кілттерін алды.

«Біз адамдардың жайлы пәтерлерде жаңа өмір бастай алатынына қуаныштымыз. Сонымен қатар, біздің компания облыстың Мұғалжар, Әйтеке би және Темір аудандарында 60-қа жуық тұрғын үйдің құрылысын инвестициялады. Олардың барлығы күн салқындағанға дейін тапсырылады. Сонымен қатар, BI Group зардап шеккен отбасылардан шыққан 500 баланың Ақтөбе облысының білім басқармасы ұйымдастыруымен сауықтыру лагерлеріне жіберуге ұйытқы болды. Ол үшін холдинг 12,7 млн теңге көлемінде демеушілік көмек көрсетті. Осы мақсаттардың барлығына біз шамамен 2 млрд теңге бөлдік», - деді BI Group жобаларының директоры Руслан Мергалимов.

Естеріңізге сала кетейік, сәуір айында құрылыс компаниясы су тасқыны салдарын жоюға 5 млрд теңге бөлу туралы шешімін жариялады. BI Group алғашқылардың бірі болып жергілікті тұрғындарға көмек көрсетіп, қажетті жабдықтармен қамтамасыз етті.

Ақпарат көзі: ГУ «Акимат Актюбинской области»