Maqsut Narikbayev University-дің шақыруымен Конституциялық Сот Аппаратының бөлім басшысы Салтанат Нұрымбетова заң факультетінің студенттеріне «Құқық теориясы» пәні бойынша дәріс өткізді.

Дәріс Қазақстан Республикасында конституциялық заңдылықты қамтамасыз ету мәселелеріне арналды. Студенттер Конституцияның ұлттық заңнама жүйесіндегі рөлі, азаматтардың абсолютті құқықтары мен бостандықтары, сондай-ақ Конституциялық Сот пен оның Аппаратының қызметі туралы білімдерін тереңдетуге мүмкіндік алды.

Спикер өз сөзінде Конституциялық Сот шығарған нормативтік қаулылар негізінде азаматтардың бұзылған құқықтарын қорғау мен қалпына келтірудің нақты мысалдарын қарастырды. Студенттер талқылауға белсенді қатысып, өз сұрақтарына жауап алды, бұл оларға елдегі Конституцияның үстемдігі қалай қамтамасыз етілетінін жақсы түсінуге мүмкіндік берді.

 

Телеграмм КС - https://t.me/consot_kz 

 

Ақпарат көзі: Қазақстан Республикасының Конституциялық Соты