Қазақстан Республикасының цифрлық даму, инновациялар және аэроғарыш өнеркәсібі министрлігі Бурабай ауылында көшпелі іс-шара форматында семинар-тренинг» ұйымдастырды.

Семинарда министрліктің әртүрлі ведомстволарының, құрылымдық бөлімшелерінің және ведомстволық бағынысты ұйымдарының өкілдері сөз сөйледі. Бұл қатысушыларға цифрландырудың өзекті мәселелері туралы түсініктеме алуға мүмкіндік берді.

Семинардың негізгі тақырыптарының бірі дөңгелек үстел форматында өзекті мәселелерді талқылау болды. Қатысушылар жер кодексіне және құрылыс заңнамасына қатысты мәселелерді талқылауға және пікір алмасуға мүмкіндік алды. Талшықты-оптикалық байланыс желілерін (ТОБЖ) салу кезіндегі құрылыс кезеңдері және соңғы жұмыстар егжей-тегжейлі қаралды. Сондай-ақ, байланыс сапасын бақылау және дербес деректерді қорғау саласындағы мемлекеттік мәселелер көтерілді.

Сонымен қатар, семинарға қатысушылар «Qaztech» платформасының жұмысымен танысып, «Smart city» саласындағы табысты жетістіктерді талқылады. Бұл қатысушылар арасында қызығушылық пен қызу пікірталас тудырды.

Тренинг қорытындысы бойынша қатысушылар Қазақстан Республикасының цифрлық даму, инновациялар және аэроғарыш өнеркәсібі министрінің атынан алғыс хаттармен марапатталды.

Ақпарат көзі: Абай облысының әкімдігі