Әлеуметтік саладағы маңызды мәселелердің бірі кәмелетке толмаған балаларды тұрақты материалдық қолдау. Кейбір жағдайларда баланы тиісінше қамтамасыз ету оны бағып-қағу үшін уақытылы алимент төлеумен тікелей байланысты.

Ағымдағы жылдың 26-қыркүйегінде Әділет Министрлігінің ұйымдастыруымен «Алиментті өндіру. Мәселелері және оларды шешу жолдары» тақырыбында дөңгелек үстел өтті.

Аталған іс-шараға жеке сот орындаушыларының Республикалық және өңірлік палаталарының, аумақтық әділет органдарының, сондай-ақ Астана қаласының прокуратурасының өкілдері қатысты.

Іс-шараның басты мақсаты – борышкерлер тарапынан кіріс көздерін табу, оларды сақтау және игеру мүмкіндіктерінің үнемі өзгеріс үстінде екендігін ескере отырып, алиментті өндіру бойынша қолданылатын шаралар жүйесін жетілдіру.

Сонымен қатар, дөңгелек үстел барысында проблемалық алименттер бойынша есептелген берешекті есепке алуды реттеу, борышкерлерді іздеу және оларды әкімшілік, қылмыстық жауапкершілікке тарту шараларын жетілдіру мәселелері талқыланды.

Ақпарат көзі: Министерство юстиции Республики Казахстан