Бүгін ҚР Әділет вице-министрі Лаура Мерсалимованың төрағалығымен Заң жобалау қызметі мәселелері жөніндегі ведомствоаралық комиссияның кезекті отырысы өтті.

Комиссия отырысына ҚР Парламентінің депутаттары мен мемлекеттік органдардың басшылығы қатысты. Отырыстың басты мақсаты – ағымдағы заң жобаларын талқылау және оларды жетілдіру бойынша ұсыныстар енгізу.

Ведомствоаралық комиссияның отырысында мына мәселелер қаралды:

1. ҚР Парламентінің депутаттары бастамашылық еткен «ҚР кейбір заңнамалық актілеріне ақпараттық қауіпсіздік мәселелері бойынша өзгерістер мен толықтырулар енгізу туралы» Заң жобасына Үкімет қорытындысының жобасын қарастыру

2. «ҚР кейбір заңнамалық актілеріне баламалы энергетиканы дамыту мәселелері бойынша өзгерістер мен толықтырулар енгізу туралы» Заң жобасына реттеушілік саясаттың консультативтік құжатын қарастыру

3. «ҚР кейбір заңнамалық актілеріне телекоммуникациялар нарығын және деректерді өңдеу орталықтарын дамыту мәселелері бойынша өзгерістер мен толықтырулар енгізу туралы» Заң жобасына реттеушілік саясаттың консультативтік құжатын қарастыру

4. «ҚР кейбір заңнамалық актілеріне денсаулық сақтау мәселелері бойынша өзгерістер мен толықтырулар енгізу туралы» Заң жобасына реттеушілік саясаттың консультативтік құжатын қарастыру.

Парламент Мәжілісінің депутаттары мен мемлекеттік органдардың өкілдері қоғам өмірі мен мемлекет қызметінің түрлі салаларына қатысты бірқатар өзекті мәселелер бойынша пікір алмасты.

Сонымен қатар еліміздің құқықтық жүйесін дамытуға бағытталған ортақ мақсаттар мен міндеттерге қол жеткізу үшін заң шығару процесінің барлық қатысушылары арасындағы сындарлы диалог пен тығыз ынтымақтастықтың маңыздылығын атап өтті.

Ақпарат көзі: Министерство юстиции Республики Казахстан