5-ші Дүниежүзілік көшпенділер ойындарының этноауыл алаңында Астана қаласының белсенді ұзақ өмір сүру орталығының зейнеткерлері өнер көрсетті. Олар өздерінің концерттік бағдарламаларын ұсынып, жұртты таң қалдырды, деп хабарлайды қала әкімдігінің ресми сайты.

Этноауылда өткен концертте «Асыл мұра» домбырашылар ансамблі, «Kerbez_models» модельдер тобы, халықаралық және республикалық конкурстардың жеңімпаздары «Қыздар-ай» хореографиялық ансамблі және «Кел, шырқайық!» тележобасының «Әдемі» вокалдық ансамблі қатысты.

«Біздің топ Қара жорға биін орындады. Бишілеріміздің жасы 62 жастан басталады, арамызда 70 жастан асқандар да бар. Осындай жиындарда тұрақты түрде өнер көрсету үшін дайындалып жатырмыз, ал Белсенді ұзақ өмір сүру орталығында аптасына үш рет жаттығамыз. Мен өзім Қара жорға биін таңдадым, өйткені үйден ұзап шыққанда-ақ ұзақ жүретін әлім жоқ. Бидің арқасында көңіл-күйім көтеріледі, жаңа күш пайда болады. Өзімнің құрдастарымды жас сезінуі үшін белсенді ұзақ өмір сүру орталығына шақырамын», – деді астаналық Дариға Кішкентаева.

Би ансамблінің құрамында әжелер де, аталар да өнер көрсетеді.

«Ер адамдар билегенді жақсы көреді, өйткені олар мобильді өмір салтын ұнатады. Біз зейнеткерміз, кейде спортзалға баруға мүмкіндігіміз жоқ. Ұзақ өмір сүру орталығында емдік дене шынықтырумен тегін айналысамыз. Мысалы, тыныс алу гимнастикасы денсаулыққа пайдалы, көңілді ортада шұғылданудың өзі бір ғанибет, ал үйде өзім қатты жалғызсыраймын», – деді ансамбль қатысушылары.

Іс-шарада 50-ге жуық спортшы қонақтарға «Айкүне» гимнастикасын көрсетті.  

«Айкүне – бұл елімізді, жерімізді қорғаған ата-бабаларымыз қолданған жаттығулар, дағдылар. Гимнастиканың бұл түрін Абай Баймағамбетов құрап шықты, қазір Айкүне әлемде танымал болып келеді. Менің ойымша, бұл гимнастика барлығына өте пайдалы, оны мектептегі балаларға да жасауға болады. Жаттығу тірек-қимыл жүйесіне жағымды әсер етеді. Олар омыртқаға пайдалы, сол сияқты миды жаттықтырады, буындарды қыздырады және қартаюды баяулатады», – деді гимнаст Фарида Құдайбергенова.

Мұнда қолөнерші әжелер 7-13 қыркүйек аралығында этноауылда өтетін көрмеде өз туындыларын ұсынды. Атап айтқанда, кимешек, орамал мен шапан, тақия, кілемше, сөмке, алқа, асық, торсық, тұмар және т.б. сияқты ұлттық бұйымдардың түрлері ұсынылды.

Айта кету керек, Белсенді ұзақ өмір сүру орталығының зейнеткер еріктілері де көшпенділер ойындарын ұйымдастыруға қатысты.

Бұл жұмысқа «күміс еріктілер» клубының 20 еріктісі қатысты.

Ақпарат көзі: ГУ «Аппарат акима города Астана»