2024 жылғы 22-30 сәуір аралығында Министрліктің Әдеп жөніндегі уәкілі Дүйсен Бұхарбайұлы Әділханов іссапармен Солтүстік Қазақстан, Ақмола облыстарында болып қайтты.

Мемлекеттік қызмет, сыбайлас жемқорлыққа қарсы іс-қимыл саласындағы заңнамасын және Әдеп кодексін бұзудың алдын алу, болдырмау, сондай-ақ мемлекеттік қызметтің оң имиджін қалыптастыру мақсатында Министрліктің аталған өңірлердегі аумақтық департаментері ұжымдарымен кездесулер өткізді.

Кездесулер барысында ұжымдардың Әдеп жөніндегі уәкілдерінің есептері тыңдалып, жүргізіліп жатқан жұмыстарды күшейту бағытында ұсыныстар айтылды.
Басшылықтың тапсырмалары бойынша қызметтік әдеп нормаларын бұзу фактілері бойынша жеке және заңды тұлғалардың өтініштерін қарау басты назарда болуы керек екендігі атап өтілді.

Сонымен, қатар Әдеп жөніндегі уәкіл Министрлік басшылығының тапсырмаларына сәйкес су тасқынынан зардап шеккен қала аумақтары мен аудандарды аралап, аумақтық басқармалардың ғимараттарының жай-күйімен танысып, су тасқынынан зардап шеккен 20 қызметкерге әкімдік, еңбек ұжымдары тарапынан көрсетілген көмектерге ризашылығын білдірді.

Жалпы өткізілген 8 кездесу және 18 аумақтық басқармалардың жай күйімен танысу барысында айтылған ұсыныстар назарға алынып, Министрліктің аумақтық бөлімшелеріндегі моральдық-психологиялық ахуалдың жоғары деңгейде екені атап өтілді.

Ақпарат көзі: Министерство финансов Республики Казахстан