Бүгін Қорғалжын ауданының Қорғалжын ауылында ҚР СІМ бастамасымен Ақмола облысына дипмиссия басшылары мен Қазақстанда аккредиттелген халықаралық ұйымдардың басқа да басшылары келіп, инвестициялық әлеуетімен танысып, «Таза Қазақстан» республикалық экологиялық акциясына қатысты.

Марат Ахметжанов пен делегация басшылары «Дударай» стелласына 40-тан астам көшет отырғызды.

«Мемлекет басшысы Қ. Тоқаевтың  «Таза Қазақстан» экологиялық акциясын қолдау аясында 15-ке жуық ел дипломатиялық миссия басшылары экологияға тікелей үлес қосты. Акцияға облыс тұрғындары да белсенді қатысуда. Бүгін «Мөлдір бұлақ» апталығы аясында су айдындары мен өзендердің жағалаулары тазартылды. Аумақты тазарту жұмыстары жүргізілуде, ондаған мың ағаш отырғызылды», - деп атап өтті облыс әкімі.

Бұдан әрі делегацияларға Ақмола облысының инвестициялық тартымдылығы - ыңғайлы инвестициялық экожүйе, көлік инфрақұрылымының әлеуеті, өңірдің аграрлық-индустриялық, өнеркәсіптік және туристік әлеуеті таныстырылды.

Облысты мультипликативті дамыту, жоғары тиімді және бәсекеге қабілетті өндірістер құру, басқарудың заманауи әдістерін енгізу, сондай-ақ инвестициялық тартымдылықты арттыру мақсатында өткен жылдың желтоқсанында Аршалы ауданында Республикалық маңызы бар «AQMOLA» индустриялық аймағы құрылды.

Сондай-ақ, жобаларды жылдам өңдеу, «бір терезе» шеңберінде функционалдылық көрсету, оларды сүйемелдеу, жер учаскесін іріктеу, инвестициялық жобалар үшін техникалық шарттарды қорытындылауға көмек көрсету мақсатында Ақмола облысының аумағында «Aqmola Invest» инвестициялар тарту орталығы"құрылды.

«Қазіргі уақытта Орталық Техникалық режимде жұмыс істеп жатыр, инвесторларға қызмет көрсету жүргізілуде, өңірге инвестициялық жобаларды отырғызу бойынша келіссөздер жүргізілуде. Сондай - ақ, біздің команда халықаралық нарық бойынша және Астана нарығына жақын өз жобаларын іске асыруға мүдделі халықаралық делегациялардың Қазақстанға сапарларына шолу жасайды», - деді Марат Ахметжанов.

Сапар аясында шетелдік қонақтар Қорғалжын қорығындағы Қызыл кітап қоқиқаздарының мекендейтін жерлеріне барды.

Естеріңізге сала кетейік, әлемдегі қоқиқаздың Солтүстік ұя салатын колониясы Қорғалжын мемлекеттік табиғи қорығының аумағында орналасқан Теңіз ащы-тұзды көлінде орналасқан.

Ақпарат көзі: ГУ «Аппарат акима Акмолинской области»