ҚР Еңбек және халықты әлеуметтік қорғау министрлігі «Қазақстан Республикасы Үкіметінің «Міндетті зейнетақы жарналарын, міндетті кәсіптік зейнетақы жарналарын есептеу, ұстап қалу (есепке жазу) және бірыңғай жинақтаушы зейнетақы қорына аудару және олар бойынша өндіріп алу қағидалары мен мерзімдерін бекіту туралы» 2023 жылғы 30 маусымдағы № 525 және «Жұмыс берушінің міндетті зейнетақы жарналарын есептеу (есепке жазу) және бірыңғай жинақтаушы зейнетақы қорына аудару және олар бойынша өндіріп алу қағидалары мен мерзімдерін бекіту туралы» 2023 жылғы 3 шілдедегі № 540 қаулыларына өзгерістер мен толықтырулар енгізу туралы» ҚР Үкіметі қаулысының жобасын  дайындады. Құжат 2024 жылғы 15 тамызға дейін жария талқылау үшін «Ашық НҚА» порталында орналастырылды.

Қаулы жобасында платформалық жұмыспен қамту саласында жұмыс істейтін қызметкерлер үшін міндетті зейнетақы жарналарын және жұмыс берушінің міндетті зейнетақы жарналарын төлеу жөніндегі агенттер (интернет-платформалардың операторлары), сондай-ақ олардың көрсетілген төлемдерді төлеу тәртібі мен мерзімдері айқындалған. 

Жобаны қабылдау болжамды әлеуметтік-экономикалық, құқықтық және (немесе) өзге де салдарға әкеп соқпайды.

Бұйрық жобасымен «Ашық НҚА» порталында https://legalacts.egov.kz/npa/view?id=15155485 сілтемесі бойынша толығырақ танысуға болады.

Ақпарат көзі: Министерство труда и социальной защиты населения Республики Казахстан