Бүгінгі таңда 91 кәсіпорынның 62-сінде эмиссиялар мониторингінің автоматтандырылған жүйесі (МАЖ) орнатылған.

Жұртшылықтың хабардарлығын арттыру және МАЖ жұмысын көрсету үшін ел өңірлерінде аумақтық экология департаменттері баспасөз-турын өткізді. Журналистер оның жұмысын көрнекі түрде көру және экологиялық бақылауға қосқан үлесін бағалау үшін жүйені құрған кәсіпорындарға барды.

МАЖ орналастырған 62 кәсіпорынның 40-ы деректерді қоршаған орта және өндірістік бақылау жай-күйінің Ұлттық дерекқорына (СОС ҰБД және т.б.) береді. Тағы 22 кәсіпорын қосылу сатысында, ал 12 ұйым МАЖ орнатуды 2024 жылдың соңына дейін аяқтауды жоспарлап отыр.

Сонымен қатар, еліміздің 10 өңірінде 12 коммуналдық және 5 энергетикалық кәсіпорын қаржы қаражатының жоқтығынан МАЖ орналастыра алмады.

Комитет мемлекеттік экологиялық бақылауды жүргізу кезінде, заңнама талаптарын орындамаған жағдайда, МАЖ орнату бойынша инспекторлық ден қою шараларын қолданады.

Мемлекеттік бақылау шеңберінде 20 кәсіпорында тексеру жүргізілді, олардың нәтижелері бойынша жалпы сомасы 9,6 млн теңгеге 18 әкімшілік айыппұл салынды және бұзушылықтарды жою туралы нұсқама берілді.

Бақылау тиімділігін арттыру және МАЖ қондырмағаны үшін жауапкершілікті күшейту үшін Комитет нормативтік-құқықтық актілерге (экологиялық және кәсіпкерлік кодекстер, әкімшілік құқық бұзушылық туралы Кодекс, сондай-ақ МАЖ қағидалары) түзетулер әзірледі. Ұсынылған өзгерістердің ішінде-эмиссиялардың елеулі асып кетуі кезінде немесе деректер берілмеген кезде себептер туралы хабарламай бір тәуліктен артық жоспардан тыс тексерулер жүргізу мүмкіндігі. Сондай-ақ, асып кету еселігіне байланысты айыппұлдардың өсуін градациялау қарастырылған.

Бұл шаралар кәсіпорындардың экологиялық жауапкершілігін күшейтуге және елдегі экологиялық жағдайды жақсартуға бағытталған.

Ақпарат көзі: Министерство экологии, геологии и природных ресурсов Республики Казахстан