2024 жылғы 29 қазанда Қ. Арымбек еліміздің уран өндіруші кәсіпорындарымен және Қызылорда облысындағы көмірсутектерді барлау саласындағы жер қойнауын пайдаланушылармен кеңес өткізді.

Аталған іс-шаралар шеңберінде Вице-министр уран компанияларының бірінші басшыларының жер қойнауын пайдалануға арналған келісімшарттардың талаптарын сақтау және жобалық шешімдерді орындау жөніндегі ақпараттарын тыңдады. Уран қорларын қайта есептеу, келісімшарттық аумақтарды кеңейту, технологиялық көрсеткіштерді келісу, жаңа өндірістік объектілер  салу немесе қолданыстағыларын жаңғырту және аффинаж зауыттарын салу және т. б. ақпараттарды тыңдады.

«Қазатомөнеркәсіп» ҰАК» АҚ-ға отандық өндірушілерден off-take/ұзақ мерзімді келісімшарттар жасасу арқылы еншілес тәуелді компанияларда қазақстандық тауарларды сатып алу көлемін ұлғайтуды қамтамасыз етуді тапсырды. Сондай-ақ, Қызылорда және Түркістан облыстарының әлеуметтік-экономикалық дамуына аударымдарды ұлғайту қажеттілігі көрсетілді.

Вице-министр Қ. Арымбек жекелеген уран компанияларының жұмыскерлердің тұрмыстық жағдайларын жақсарту, әлеуметтік жобаларды іске асыру және жақын маңдағы елді мекендер үшін қайырымдылық шаралары бойынша оң пікір білдірді. 2025 жылы вахталық кенттердегі жағдайды сапалы жақсарту міндеті қойылды.

Сондай-ақ, көмірсутектерді барлау саласындағы жер қойнауын пайдаланушыларға рәсімдерді айтарлықтай оңтайландыруға бағытталған 2024 жылы жер қойнауын пайдалану саласындағы заңнамаға енгізілген өзгерістер туралы ақпарат жеткізілді. Мұнай-газ компаниялары барлау ұңғымаларын бұрғылау, мұнай мен газдың жедел қорларын құру, кен орындарын сынамалық пайдалануға беру, бұрын бұрғыланған ұңғымаларды балансқа қабылдау және       т. б. туралы ақпарат берді.

Энергетика министрлігі барлау мен өндірудің келесі кезеңдеріне уақтылы өту үшін белсенді іздеу және бағалау жұмыстарын жалғастыруды ұсынды.

Ақпарат көзі: Министерство энергетики Республики Казахстан