Облыс әкімі Марат Ахметжанов Егіндікөл ауданының тұрғындарымен кездесуді сумен жабдықтау мәселесінен бастады.

«Ауданның негізгі сумен жабдықтау көзі Егіндікөл және Қорғалжын аудандарының 23 ауылдық елді мекенін ауыз сумен қамтамасыз ететін Нұра топтық су құбыры болып табылады. 2023 жылдың қыркүйек айында басталған Сабынды ауылынан Степняк АҚП-ға дейінгі су құбырын реконструкциялау ерекше бақылауда», - деп атап өтті ол.

«BERTYS CONSTRUCTION» ЖШС басшысы Асқар Баймырзаұлы компанияның геодезиялық осьтерді бөлшектегенін, құбырларды төсегенін хабарлады. Ұңғымаларды монтаждау жалғасуда, құбырдың төселген учаскесіне сынақтар жүргізілді. Ескі су құбыры жаңа магистральдық торапқа қайта қосылды және апаттық участок жойылды. Шілде айында рекультивацияны аяқтау, су тасқынының салдарын жою және желілерді толық сығымдау жоспарлануда. 

«Егіндікөлдерге 1 тамызда су береміз», - деп сендірді мердігер.

Қазақстан Республикасы Су ресурстары және ирригация министрлігі Су шаруашылығы комитетінің төрағасы Арсен Жақанбаев өз кезегінде бұл объект Министрліктің ерекше бақылауда екенін, жүргізіліп жатқан жұмыстардың барысы зерттелген және жақын арада тұрғындар су алатынын атап өтті.

Облыс әкімі тағы бір проблема – тұрғын үй құрылысына назар аударып, қысқа мерзімде 16 пәтерлі тұрғын үйдің құрылысын аяқтауды тапсырды. Тұрғын үй алуға кезекте 51 егіндікөлік тұр.

Ауданның негізгі саласы агроөнеркәсіптік кешен болып табылады, экономикалық қызметтің негізгі түрлерінің бірі егіншілік болып қала береді.

«Өнеркәсіп секторында 14 шағын және қосалқы кәсіпорын жұмыс істейді. Аудан аумағында ірі және орта кәсіпорындар жоқ. Осыған байланысты, ауданның облыстың өнеркәсіп өндірісінің жалпы көлеміне қосқан үлесі шамалы. Мемлекет басшысы инвестиция тартуға ерекше көңіл бөледі. Өйткені, бұл, ең алдымен – жаңа жұмыс орындары, бюджет пен халық табысының ұлғаюы, бұл өз кезегінде ауданға әлеуметтік және инфрақұрылымдық мәселелерді өз бетінше шешуге мүмкіндік береді», - деп атап өтті М.Ахметжанов.

Ауданның жоспарында 24 тұрақты жұмыс орнын ашатын және аудан бюджетін толықтыратын бірнеше жоба бар, олар: шиномонтаж шеберханасын, қонақ үйлер, мал шаруашылығы өнімдерін қайта өңдейтін сою цехтарын, ет фермаларын салу, ғимаратты қонақ үй кешені мен кафе ретінде реконструкциялау.

Облыс әкімі мемлекеттік қолдау түрінде қолда бар әлеуетті толық көлемде пайдалануды ұсынды, ол үшін аудан әкімдігі қолданыстағы қолдау шаралары туралы кеңінен хабардар етіп, қажет болған жағдайда бизнес-бастамаларға қолдау көрсетуі керек. Биыл ауданның агроөнеркәсіп кешенін мемлекеттік қолдауға 5 млрд.теңгеден астам қаражат жұмсалғанын атап өту керек, оның 1,3 млрд. теңгесі – қайтарылмайтын субсидиялар.

«Мен бірінші кезекте бюджеттік жоспарлаудың тиімділігі және оның нәтижеге бағдарлануы қажет екенін бірнеше рет қайталадым. Бұл бөлінген қаражатты игеріп қана қоймай, түпкілікті нәтижеге қол жеткізу керек дегенді білдіреді. Содан кейін ғана ауданнан халықтың кетуі тоқтайды», - деп қорытындылады Марат Ахметжанов.

Ауданның бірқатар тұрғындары өңірдің әлеуметтік-экономикалық дамуына қосқан үлесі үшін облыс әкімінің алғыс хаттарын алды.

Жеке қабылдауға жазылғандар сумен жабдықтау, элеваторды жөндеу, шөп шабу үшін жер учаскелерін алу және т.б. мәселелерді көтерді.

Ақпарат көзі: ГУ «Аппарат акима Акмолинской области»