Екібастұз қаласының ауылдық аймағының Зеленая роща ауылындағы Қ. Алғамбаров атындағы мектептің бастауыш сыныптарына арналған жалпы ауданы 143 м2 болатын жаңа қосымша ғимаратты «Табыс» ШҚ басшысы Манат Алғамбаров өз қаражаты есебінен салып берді. Бүгін облыс әкімі Асайын Байханов ауылда болып, ғимарат құрылысының аяқталуымен танысты.2018 жылы жергілікті бюджет қаражаты есебінен 1964 жылы салынған 360,2 м2 болған ескі мектеп ғимаратына 1020 м2 жаңа ғимарат салынды, сондай-ақ, пешпен жылытылатын ескі жүйенің орнына модульдік қазандық орнатылды. Сол кезде «Табыс» ШҚ қолдауымен спорт залы салынған болатын.Қабылданған шаралар тозығы жеткен шағын мектептің оқушыларын жаңа қосымша ғимаратқа ауыстыруға мүмкіндік берді. Ескі мектеп ғимараты 2023 жылы апатты деп танылып, бұзылды. Алайда, осы уақыт ішінде мектептің бастауыш сыныптары екі ауысымда оқыды.Биылғы оқу жылында бизнестің жоғары әлеуметтік жауапкершілігінің арқасында Зеленая роща ауылындағы бастауыш мектептің 19 баласы оқуларын жаңадан салынған кең әрі жарық кабинеттерде бастайды. Жоғары сыныптар 2018 жылы салынған мектеп ғимаратында оқуын жалғастырады.- Туған ауылына, оның тұрғындарына, болашақ дамуына және бірінші кезекте өскелең ұрпақпен байланысты жоғары әлеуметтік жауапкершілік, әрине, құрметке әбден лайық. Туған өңірінің тағдырына бей-жай қарамай, көмек қолын созған барлық меценаттар мен демеушілерге алғысымды білдіремін. Біз өз тарапымыздан азаматтарымыздың әл-ауқатын және облыстың өркендеуін арттыру үшін бар күшімізді саламыз, - деп атап өтті өңір басшысы.Облыс әкімі мектепке робототехника кабинетінің жабдықтарын және спорт құралдарын сатып алуға 30 млн. теңгеге сертификат табыстады.

Павлодар облысы әкімінің баспасөз қызметіСуреттерді түсірген Валерий Бугаев

Ақпарат көзі: ГУ «Аппарат акима Павлодарской области»