15 мамырда «Өрт» республикалық командалық штабтық оқу-жаттығулар аясында Жасыл белдеуде өрт тактикалық оқу- жаттығуы өтті.

Орман және орманды дала аймағында ауқымды өрттердің туындауы барысында табиғи сипаттағы төтенше жағдайлардың салдарын жою кезінде тәжірибелік іс-шаралар  өрт-тактикалық оқу-жаттығу азаматтық қорғау бөлімшелерінің, орман өрт сөндіру станцияларының, авариялық-құтқару қызметтерінің басшы құрамының тәжірибелік дағдыларын пысықтау және төтенше жағдайлар кезінде оларды шектеулі мерзімде әзірлікке келтіру және жұмыс істеу кезінде құралымдар мен мекемелерді орнықты басқаруды қамтамасыз ету мақсатында жүргізіледі. Сондай-ақ табиғи сипаттағы төтенше жағдайлардың салдарын жою кезінде орман шаруашылығының ведомстволық бөлімшелерінің, мекемелерінің өзара іс-қимыл жағдайларының нақтылығы тексеріледі.

  Оқу-жаттығу шарттары бойынша демалуға келген адамдардың сөндірмей қалдырып кеткен от ошақтарының салдарынан құрғақ шөптің жануы орын алып, өрт ары қарай орман белдеуіне тарай бастады. Шақыру орнына қаланың шұғыл қызметтері келіп, өртті сөндіруге кіріседі. Қатты желдің салдарынан өрттің елді мекенге таралуы байқалады. Өрт орнына «Астана Орманы» ЖШС, Өрт сөндіру қызметінің, құқық қорғау органдарының көмекші техникасы келеді. Өрттің тігінен таралу қаупі туындап, өрт орнына «Қазавиақұтқару» вертолеті келеді. Өртті сөндіру барысында «Астана Орманы» қызметкерлері улы газбен уланып, онда Апаттар мен жедел жәрдем медицинасы орталығының бригадасы зардап шегушіге алғашқы медициналық көмек көрсетіп, жақын маңдағы ауруханаға жеткізеді. Өрт сөндіру бөлімшелері барлау жүргізеді, жедел штаб құрады және бірлескен әрекеттердің нәтижесінде  өртті жояды.

Шартты өрт  жедел әрі үйлесімді жұмыстардың нәижесінде  бір сағаттан кейін  сөндіріледі. Бұл жаттығуға жеке құрамның 75 адамы мен 25 бірлік техникасы жұмылдырылды.

Астана қаласы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан