Астана қаласы Полиция департаменті көші-қон қызметі басқармасы бастығының міндетін атқарушы Қанай Жұмабеков коммуникациялық алаңда өткен брифингте «Мигрант» жедел-профилактикалық іс-шарасы туралы айтты, деп хабарлайды елорда әкімдігінің ресми сайты.

Мәселен, 1-5 тамызы аралығында елорда аумағында «Мигрант Республикалық жедел-профилактикалық іс-шарасы өткізіледі. Бұл іс-шараның мақсаты – заңсыз көші-қон арналарын анықтау және жолын кесу.

«Жедел-профилактикалық іс-шарасы басталғаннан бері көші-қон заңнамасын бұзған 45 шетелдік және 7 ҚР азаматы анықталды. Сонымен қатар көші-қон заңнамасының ережелерін бұзғаны үшін 8 шетелдік азамат елден шығарылды. Іс-шараларды өткізу кезеңінде құрылыс нысандары, мейрамханалар, кафелер, базарлар мен сауда орталықтары және басқа да нысандар тексерілетін болады. Егер сізде қала аумағына заңсыз келетін шетелдік азаматтар туралы қандай да бір ақпарат болса, жақын жердегі полиция бөлімшесіне дереу жүгінуіңізді немесе «102» нөміріне қоңырау шалуыңызды сұраймыз», - деп хабарлады Астана ПД басқармасынан.

Айта кету керек, көші-қон қызметі басқармасы жыл басынан бері «Шетелдік», «Мигрант» 2 кезеңі, «Бөгет», «Заңсыз», «Құқықтық тәртіп» ЖПІ-нің 3 кезеңі бойынша 8 ЖПІ өткізді.

ЖПҚ-мен бірлескен іс-шаралар нәтижесінде сегіз мыңнан астам шетелдік және ҚР азаматтары жауапқа тартылды. Соның ішінде 3900-ден астам адам көші-қон заңнамасын бұзғаны үшін және шетелдіктер мен азаматтығы жоқ адамдарды қабылдайтын жеке немесе заңды тұлғалардың Халықтың көші-қоны саласындағы заңнамасын бұзғаны үшін 1 150-ге жуық адам жауапқа тартылды. Сондай-ақ тіркеусіз немесе құжатсыз жүргені үшін жеке басын куәландыратын 2930 ҚР азаматы анықталып, сонымен қатар жыл басынан бері көші-қон заңнамасын бұзғаны үшін 714 шетелдік азамат Қазақстан Республикасының аумағынан шығарылды.

Ақпарат көзі: ГУ «Аппарат акима города Астана»