Бүгін елорда прокуратурасы мен «Атамекен» Кәсіпкерлер палатасы бірлескен іс-шаралар жоспарына қол қойды.

     Жоспар кәсіпкерлерді қорғау саласында бірлескен жұмыстарды жүргізу тәртібін және оларды жою бойынша қабылданған шараларды қамтиды.

     Бұдан бөлек кәсіпкерлердің жүйелі мәселелерін анықтау және шешу рәсімдері қарастырылған.

     Бұл іс-шаралар әрбір мүдделі органның іс-әрекетін нақтылауға және осы салаға жаңа серпін береді.

     Инвесторлардың құқықтарын қорғау мақсатында елорда прокуратурасында кәсіпкерлер мен инвесторлардың құқықтарын қорғау жөніндегі мобильді топ жұмыс істейді (байланыс телефоны: 8-747-216-15-58).

     Сондай-ақ, осы топқа онлайн қоңыраулар шалу үшін жағдай жасау мақсатында QR кодтары жаңартылып, бүкіл қалаға таратылды.

Астана қаласының прокуратурасы

Ақпарат көзі: Астана қаласының прокуратурасы