Өңірлік коммуникациялар қызметінің алаңында Астана қаласы ТЖД азаматтық қорғаныс басқармасының бастығы Азамат Құсайыновтың қатысуымен шомылу маусымның қорытындысын шығару туралы брифинг өтті.

Брифинг барысында шомылу маусымы басталғаннан бері полиция қызметкерлерімен бірлесіп, тәртіп бұзушыларға 588 әкімшілік хаттама жасалғаны, оның ішінде азаматтық қорғаныс басқармасының офицерлерімен 412-бап бойынша «Су айдындарындағы қауіпсіздік ережелерін бұзғаны немесе орындамағаны» үшін 58 әкімшілік хаттама жасалғаны белгілі болды.

Айта кету керек, «Hikvision» компаниясымен бірігіп, пилоттық жобада орталық жағажайдың жүзу шекараларын және суға батып бара жатқан адамдарды ерте анықтау жүйесімен  дауыс зорайтқышы бар 2 бейнекамера іске қосылды. Астана қаласының Цифрландыру және мемлекеттік қызмет басқармасымен бірігіп, Сарыарқа ауданының коммуналдық жағажайына «Сергек» бейнебақылау камералары орнатылып, барлығын алдын-ала көру үшін экран Жоспарлау және жедел басқару орталығына орналастырылған. Бұл мониторинг жүргізуге және шомылу фактілеріне уақтылы ден қоюға мүмкіндік берді.

Биылғы жылы су айдындарында төрт адам суға батып кетті, оның ішінде бір бала, адам өлімінің барлық фактілері жабдықталмаған және шомылуға тыйым салынған су айдындарының учаскелерінде тіркелді. 

Сонымен қатар, жазғы кезеңде су айдындарында 2005, 2008 және 2004 жылы туған үш адам құтқарылды, олардың бірін Есіл өзенінің арнасын патрульдеу кезінде жедел-құтқару жасағының құтқарушылары құтқарды.

Астана қаласы ТЖД баспасөз қызметі

Ақпарат көзі: Министерство по чрезвычайным ситуациям Республики Казахстан