2024 жылғы 14-15 қараша аралығында Ереван қаласында Еуропа Кеңесі жанындағы Құқық арқылы демократия үшін Еуропалық Комиссиямен (Венеция комиссиясы) бірлесіп ұйымдастырылған «Конституциялық соттардың шешімдеріне құрмет» тақырыбында жоғары деңгейдегі халықаралық конференция өтті.

Шараға конституциялық сот төрелігі жөніндегі дүниежүзілік конференцияға мүше конституциялық соттардың делегациялары, Венеция комиссиясының мүшелері, Еуропа Кеңесінің өкілдері, сондай-ақ конституциялық құқық саласындағы ғалымдар мен практик заңгерлер қатысты.

Конференцияға қатысушылар конституциялық соттар шешімдерінің ұлттық және халықаралық деңгейде заңның үстемдігін және адам құқықтарын қорғауды қамтамасыз етудегі рөлі мен ықпалын талқылады.

Қазақстан Республикасы Конституциялық Сотының судьясы Айгүл Қыдырбаева қатысушыларға қазақстандық тәжірибеде конституциялық бақылау құралдары ретінде қолданылатын құқық үстемдігі критерийлері туралы айтып берді.

Ақпарат көзі: Қазақстан Республикасының Конституциялық Соты