2018 жылғы Азия чемпионатының жеңімпазы, Мақаншы ауданы Қабанбай ауылының тумасы, халықаралық дәрежедегі спорт шебері Ерсін Сейітқазинов Дүниежүзілік көшпенділер ойындарында өнер көрсетеді. Спортшының қазіргі жеке жаттықтырушысы – Думан Қыздарбеков.

«Қазақ күресімен 12 жасымнан айналысып келемін. Бұл ерекше спорт, өйткені ол үлкен күшті, шыдамдылықты, төзімділікті қажет етеді. Қазір V Дүниежүзілік көшпенділер ойындарына дайындалудамыз. Іріктеуден өттік, ойынға қатысушылар құрамына кірдік. Өзімізді жоғары деңгейде көрсетеміз деп ойлаймын», - деді спортшы.

Спортшының айтуынша осы уақытқа дейін 5 оқу-жаттығу жиыны ұйымдастырылған. Қазіргі таңда кезекті оқу-жаттығу жиындары Щучинск қаласында өтуде. Жалпы Дүниежүзілік көшпенділер ойындарына дайындық ақпан айында басталды.

Абай облысынан бір-біріне көмектесу мақсатында толық құрамада 40-қа жуық спортшы жүр.

Ақпарат көзі: Абай облысының әкімдігі